Новую ўніверсальную сеялку распрацавалі на «Бабруйсксельмашы»

На выставе «БелАГРА-2022», якая адкрылася ў Мінску, прадпрыемства «Бабруйсксельмаш» прадставіла навінку – пнеўматычную ўніверсальную сеялку СПУ-9.

Яна прызначана для радавой сяўбы збожжавых, зернебабовых, крыжакветных, траў і іншых насення. Як паведамілі на прадпрыемстве, ад іншых сеялак СПУ-9 адрозніваецца шырынёй захопу, якая складае 9 метраў, і арыгінальнай канструкцыяй.

Канструктарскія новаўвядзенні дазволілі паменшыць масу агрэгата да 5 тон, што зніжае нагрузку на глебу, а таксама памяншае расход паліва. Акрамя таго, у 4 разы павялічаны аб’ём бункера – да 2000 літраў (1 запраўкі хапае на 10 гектараў сяўбы), павялічана таксама адлегласць міжраддзя высеву – да 150 мм. Агрэгатуецца сеялка з трактарам магутнасцю 130–150 к/с.

Пакуль СПУ-9 з’яўляецца доследным узорам. Яна ўжо нядрэнна, адзначылі на прадпрыемстве, праявіла сябе ў перыяд пасяўной кампаніі‑2022, дзе засеяла 250 гектараў зямлі ў адной з гаспадарак Шклоўскага раёна.

 mogilevnews.by