Падаходны падатак у памеры Br32,3 тыс выплаціла будаўнічая арганізацыя, якая выводзіла даходы праз сваіх работнікаў

Br32,3 тыс падаходнага падатку выплаціць у бюджэт ТАА «П», якое займалася будаўніцтвам і абналічвала грашовыя сродкі праз сваіх работнікаў, зарэгістраваных у якасці індывідуальных прадпрымальнікаў. Пра гэта паведамілі ў прэс-цэнтры інспекцыі МПЗ Рэспублікі Беларусь Магілёўскай вобласці.

Па словах суразмоўцаў, парушэнне выявілі супрацоўнікі інспекцыі МПЗ па Ленінскім раёне горада Магілёва ў ходзе падатковай праверкі.

«Работнікі прадпрыемства, якім рэгулярна паступаюць ад арганізацыі выплаты і якія з’яўляюцца ІП, пад выглядам асабістага даходу здымалі са сваіх разліковых рахункаў у банку грошы і перадавалі дырэктару, – растлумачылі ў прэс-цэнтры інспекцыі. – Такі механізм выкарыстоўваўся выключна дзеля таго, каб пазбегнуць пералічэння падаткаў у бюджэт».

Арганізацыя прызнаная падатковым агентам і з сум даходаў, выплачаных названым асобам у памеры Br248,3 тыс., прад’яўлены да выплаты падаходны падатак у суме Br32,3 тыс. Сума падатку паступіла ў бюджэт у поўным аб’ёме.

У дачыненні да вінаватых асоб распачаты крымінальныя справы.

Рэд.