Патрыятычная акцыя «Звон смутку» пройдзе 22 чэрвеня ў 4 раніцы на мемарыяльным комплексе «Буйніцкае поле»

Патрыятычная акцыя «Звон смутку» пройдзе 22 чэрвеня ў 4 раніцы на мемарыяльным комплексе «Буйніцкае поле» (Магілёўскі раён). Мерапрыемства прымеркавана да Дня ўсенароднай памяці ахвяр Вялікай Айчыннай вайны, паведамілі ў абласным камітэце ГА «БРСМ».

У акцыі прымуць удзел прадстаўнікі выканаўчай улады, праваслаўнай царквы, члены патрыятычных клубаў вобласці, актыў БРСМ. Пачнецца мерапрыемства з мітынгу-рэквіема і хвіліны маўчання. Тут жа пройдзе літыя ў памяць аб загінулых на палях бітваў. Таксама ўсіх чакае палявая кухня, дзе кожны зможа пачаставацца салдацкай кашай і гарачай гарбатай.

Акцыю падтрымаюць ва ўсіх раёнах і гарадах Магілёўскай вобласці. На працягу дня адбудуцца мітынгі, пройдуць інфармацыйныя гадзіны аб гераічным подзвігу савецкага народа ў працоўных калектывах, дзіцячых аздараўленчых лагерах, моладзевых аўдыторыях. Будуць арганізаваны экскурсіі па месцах баявой славы, тэматычныя выставы. У 12.00 ва ўсіх храмах рэгіёна прагучыць звон у памяць аб загінулых у гады Вялікай Айчыннай вайны.

Лейтматыў мерапрыемства – спыніцца, памаўчаць і ўшанаваць памяць загінулых, успомніўшы пра іх подзвіг у імя жыцця будучых пакаленняў.

22 чэрвеня будуць арганізаваныя дадатковыя рэйсы аўтобусаў для дастаўкі жыхароў Магілёва да месца правядзення акцыі «Звон смутку» і назад без збірання платы за праезд. Пра іх будзе паведамлена пазней.