Пензенская вобласць зацікаўлена ў супрацоўніцтве з «Бабруйскаграмашам»

Пензенская вобласць зацікаўлена ў супрацоўніцтве з «Бабруйскаграмашам», паведамілі ў прэс-службе холдынгу.

У рамках візіту ў Магілёўскую вобласць дэлегацыя Пензенскай вобласці на чале з намеснікам старшыні ўрада рэгіёну Аляксеем Косціным наведала «Бабруйскаграмаш». Генеральны дырэктар холдынга Віктар Філатаў азнаёміў гасцей з вытворчымі магутнасцямі прадпрыемства, мадэльным шэрагам тэхнікі.

Асаблівую цікавасць у членаў дэлегацыі выклікала камунальная тэхніка, асноўным прызначэннем якой з'яўляецца добраўпарадкаванне вуліц, дарог і садова-паркавых тэрыторый. Аляксей Косцін даў высокую ацэнку ўзроўню аснашчанасці «Бабруйскаграмаша», яго дасягненням, якасці прадукцыі і выказаў упэўненасць у плённым міжрэгіянальным супрацоўніцтве і ўмацаванні сувязей.

ААТ «Кіруючая кампанія холдынгу «Бабруйскаграмаш» з'яўляецца адным з найбуйнейшых вытворцаў сельскагаспадарчых машын і прыстасаванняў у краінах Усходняй Еўропы. Асартымент прадукцыі налічвае больш за 150 найменняў. Тэхніка холдынгу пастаўляецца больш як у 50 краін свету.

БЕЛТА