У мінскім Палацы спорту прайшоў Міжнародны турнір па боксе памяці Героя Савецкага Саюза Віктара Лівенцава. Ён праходзіў у фармаце матчавых сустрэч з удзелам каманд Беларусі, Іспаніі, Францыі і Украіны.
Баі ішлі ў алімпійскіх вагавых катэгорыях – пяці ў жанчын і васьмі ў мужчын. Беларускія баксёры сталі пераможцамі турніру, набраўшы 60 ачкоў. На другім месцы каманда Украіны (46), трэцяе месца падзялілі каманды Іспаніі і Францыі.
У складзе беларускай каманды ў матчавай сустрэчы прынялі ўдзел прадстаўнікі Магілёўскай вобласці Аляксандр Радзівонаў і Ганна Тадэвуш. Аляксандр Радзівонаў прынёс ачкі беларускай камандзе, атрымаўшы перамогу ў баі з украінскім баксёрам Стэфанам Аўханісянам (5:0).
Для лідараў беларускай зборнай турнір стаў этапам падрыхтоўкі да алімпійскай кваліфікацыі, якая пройдзе ў Лондане ў лютым 2021 года.
Генадзь Аляксандраў, mogilevnews.by
Пры выкарыстанні матэрыялаў актыўная гіперспасылка на mogilev-region.gov.by абавязковая
25.04.2024 - 11:59
24.04.2024 - 09:53
Ігар Бокій выйграў другое золата чэмпіянату Еўропы па параплаванню
22.04.2024 - 09:46
Магіляўчанін Ягор Шарамкоў выйграў бронзу ў апорным скачку на этапе Кубка свету ў Досе
19.04.2024 - 11:05
Магіляўчанін Ягор Шарамкоў выйшаў у фінал у апорным скачку на этапе Кубка свету ў Катары
18.04.2024 - 17:56
Адкрыты турнір па фехтаванні «Меч Машэкі» праходзіць у Магілёве
17.04.2024 - 12:23