Магілёўскі «Тэхналіт» у няпростых умовах гаспадарання паказвае сваю эфектыўнасць. Такой думкай падзяліўся намеснік старшыні Магілёўскага аблвыканкама Руслан Страхар падчас сумеснага з Надзвычайным і Паўнамоцным Паслом Індыі ў Беларусі Алакам Ранджанам Джа візіту на прадпрыемства.
Візіт пасла на прыватнае навукова-вытворчае прадпрыемства «Тэхналіт» быў запланаваны таму, што магілёўскае прадпрыемства паспяхова працуе з індыйскім рынкам, адзначыў Руслан Страхар. «Прадпрыемства паспяхова супрацоўнічае з індыйскімі кампаніямі – атрымлівае адтуль нарыхтоўкі, якія тут апрацоўваюцца на высокадакладным абсталяванні і пасля гэтага адпраўляюцца ў іншыя краіны. Экспарт наладжаны ў больш як 30 краін, – расказаў Руслан Страхар. – Акрамя таго, ужо пачаліся абмеркаванні паставак гатовай прадукцыі «Тэхналіта» на індыйскі рынак».
Паводле слоў намесніка старшыні аблвыканкама, «Тэхналіт» у няпростых умовах гаспадарання працягвае паказваць эфектыўную працу. «Тут працягваюць працаваць над пашырэннем геаграфіі паставак. Акрамя гэтага, не толькі рэалізуюць пачатыя ўжо інвестыцыйныя праекты, але і праводзяць кропкавую мадэрнізацыю вытворчасці, дзякуючы якой атрымліваецца займаць нішы, якія ўтварыліся на рынку», – падкрэсліў Руслан Страхар.
Падчас візіту на вытворчасць індыйскі пасол азнаёміўся з тэхналагічнымі працэсамі, напрацоўкамі і гатовай прадукцыяй, якую выпускае «Тэхналіт».
Як адзначыў намеснік дырэктара па вытворчасці Канстанцін Бадзяка, у існуючых абставінах галоўная мэта – захаваць калектыў і дзеючы аб’ём вытворчасці прадукцыі. «Санкцыйны ціск не абышоў нас бокам. Ёсць пэўныя складанасці, напрыклад, з лагістыкай. Але мы шукаем шляхі рашэння і глядзім наперад з аптымізмам», – адзначыў ён.
Прадпрыемства «Тэхналіт» спецыялізуецца на выпуску камплектуючых і запасных частак да аўтатрактарнай, дарожнай, чыгуначнай, сельскагаспадарчай, будаўнічай і спецыяльнай тэхнікі. Гэта адзіны завод у Беларусі, які займаецца выпускам разнастайных поршневых кольцаў і гільзаў цыліндраў са спецыяльных зносаўстойлівых чыгуноў, якія атрымліваюць метадам ліцця – намарожваннем. За яго распрацоўку і прамысловую рэалізацыю прыватнае прадпрыемства сумесна з Інстытутам тэхналогіі металаў НАН удастоена Дзяржаўнай прэміі ў сферы навукі і тэхнікі.
Пры выкарыстанні матэрыялаў актыўная гіперспасылка на mogilev-region.gov.by абавязковая
28.03.2025 - 13:09
У Магілёўскай вобласці падаражэе праезд у грамадскім транспарце
26.03.2025 - 11:08
Як працуе адзінае на Магілёўшчыне прадпрыемства па падрыхтоўцы насення
25.03.2025 - 12:48
21.03.2025 - 14:40