У чэмпіянаце краіны па хакеі 6 верасня былі згуляны тры матчы. У адным з іх «Магілёў» на сваім лёдзе не знайшоў аргументаў супраць салігорскага «Шахцёра» - 1:7.
Раней «ільвы» аказаліся разадраныя салігорскай камандай - 2:12. І хаця б часткова рэабілітавацца ў вачах сваіх балельшчыкаў 6 верасня яны не змаглі. «Шахцёр» зноў цалкам кантраляваў ход барацьбы і аформіў больш за ўпэўненую перамогу.
У гасцей вызначыліся Раман Крыкуненка двойчы (1-я, 55-я хвіліны), Дзяніс Яркін (13), Ілья Паранін (15), Міхаіл Шалагін (17), Дзяніс Рыгоркевіч (25) і Арцём Дзямкоў (37). А ў гаспадароў лёду аўтарам адзінага ўзяцця варот стаў Павел Карашкоў (50).
Акрамя таго, сёння гродзенскі «Нёман» прайграў «Гомелю» - 4:5, а «Віцебск» перамог «Ліду» - 3:2 (па булітах).
«Шахцёр» і «Віцебск» маюць па шэсць ачкоў, «Металург» і «Лакаматыў» - па пяць, «Хімік» - чатыры, «Ліда», «Юнацтва» і «Брэст» - па тры, «Нёман», «Гомель» і «Дынама-Маладзечна» - па два, а «Магілёў» балаў у гэтым ЧБ пакуль не набраў.
Па выніках рэгулярнага чэмпіянату шэсць лепшых дружын напрамую адбяруцца ў 1/4 фіналу, а тыя каманды, якія фінішуюць на месцах з сёмага па дзесятае, будуць змагацца яшчэ за два білеты туды ў раундзе плэй-ін. Пасля гэтага пачнецца стандартны плей-оф.
Пры выкарыстанні матэрыялаў актыўная гіперспасылка на mogilev-region.gov.by абавязковая
25.04.2024 - 11:59
24.04.2024 - 09:53
Ігар Бокій выйграў другое золата чэмпіянату Еўропы па параплаванню
22.04.2024 - 09:46
Магіляўчанін Ягор Шарамкоў выйграў бронзу ў апорным скачку на этапе Кубка свету ў Досе
19.04.2024 - 11:05
Магіляўчанін Ягор Шарамкоў выйшаў у фінал у апорным скачку на этапе Кубка свету ў Катары
18.04.2024 - 17:56
Адкрыты турнір па фехтаванні «Меч Машэкі» праходзіць у Магілёве
17.04.2024 - 12:23