Спартыўныя трансляцыі і забавы - у цэнтры Магілёва на час II Гульняў краін СНД будзе арганізавана фан-зона

Абсталяваць прасторную фан-зону на час правядзення ў Беларусі ІІ Гульняў краін СНД плануюць у Магілёве.

Як распавёў начальнік упраўлення спорту і турызму аблвыканкама Сяргей Новікаў, сквер 40-годдзя Перамогі з 4 па 14 жніўня будзе мець шмат зон актыўнасці, таксама там будзе ўсталяваны вялікі манітор:

- Добрае месца размяшчэння, цэнтр горада. Магіляўчане і турысты змогуць паглядзець спаборніцтвы і весела правесці час. Вывядзем на экран не толькі віды спорту, якія будзе прымаць Магілёў (гэта стральба з лука непадалёк на стадыёне «Спартак» і каратэ ў «Алімпійцы»), але ўсе трансляцыі па краіне. Паралельна балельшчыкам ад самага юнага да старэйшага ўзросту прапануюць шматлікія тэматычныя забавы.

 СБ