Тэлефонную лінію па пытаннях перавышэння тэмпературы ўнутры жылых памяшканняў адкрыла абласное ўпраўленне па наглядзе за рацыянальным выкарыстаннем ПЭР

Тэлефонную лінію па пытаннях перавышэння тэмпературы ўнутры жылых памяшканняў адкрыла абласное ўпраўленне па наглядзе за рацыянальным выкарыстаннем паліўна-энергетычных рэсурсаў. Пра гэта карэспандэнту сайта паведаміла намеснік начальніка вытворча-тэхнічнага аддзела абласнога ўпраўлення Эма Урублеўская.

Жыхары рэгіёна могуць паведаміць аб некамфортнай тэмпературы ў кватэрах у ацяпляльны перыяд па тэлефоне 8 (0222) 60 02 81.

Згодна з санітарнымі нормамі, правіламі і гігіенічным нарматывам «Патрабаванні да аснашчэння, абсталявання і ўтрымання жылых дамоў», зацверджанымі пастановай Міністэрства аховы здароўя Беларусі ад 20 жніўня 2015 года №95, у жылых памяшканнях дамоў, не абсталяваных аўтаномнай сістэмай ацяплення, тэмпература паветра на працягу ўсяго ацяпляльнага перыяду павінна складаць плюс 18-24 градусы, што адпавядае дапушчальным параметрам мікраклімату. «Тэмпература ў гэтым інтэрвале лічыцца дапушчальнай: яна не выклікае пагаршэння стану здароўя асноўнай масы людзей, іх механізмы тэрмарэгуляцыі не адчуваюць перанапружання», – удакладніла суразмоўца.

Акрамя таго, пастановай Савета Міністраў Рэспублікі Беларусь ад 30 мая 2003 года №724 зацверджана сістэма дзяржаўных сацыяльных стандартаў па абслугоўванні насельніцтва. У дакуменце выразна паказана: нарматыў ацяплення жылых памяшканняў – не менш чым плюс 18 градусаў.

«Нарматывы задаюць тэмпературу паветра, якая залежыць ад тэмпературы звонку. Яны разлічаны такім чынам, каб у кватэрах было цёпла, але не горача і не холадна, – адзначыла Эма Урублеўская. – Калі ў кастрычніку-сакавіку прыходзіцца адкрываць фортку, каб удыхнуць свежага паветра, або захутвацца ў прабабчыну кажух, каб не замерзнуць, гэта гаворыць толькі аб адным: камунальныя службы працуюць няякасна».

Суразмоўніца дадала, што па кожнай скарзе на тое, што ў кватэры некамфортная тэмпература, неабходна разбірацца для прыняцця мер па правільным наладжванні працы сістэмы ўнутрыдамавога ацяплення і абсталявання, якая павінна забяспечыць належнае размеркаванне цепланосбіта па кватэрах і выключыць магчымасць перагрэву або недагрэву асобных кватэр.