Турнір на прызы Сяргея Гарлуковіча сабраў у Магілёве юных беларускіх футбалістаў

Турнір па футболе сярод юнакоў 2007 года нараджэння на прызы алімпійскага чэмпіёна Сяргея Гарлуковіча стартаваў у Магілёве, як паведамілі карэспандэнту сайта ва ўпраўленні спорту і турызму аблвыканкама.

У спаборніцтвах прымае ўдзел 8 каманд: «Днепр-Магілёў», «Славія» (Мазыр), «Нёман» (Гродна), «Шахцёр» (Салігорск), «Днепр-Магілёў-2», «Віцебск», СДЮШАР № 8 (Гомель) і зборная г. Магілёва 2006 г. н. (па-за конкурсам). Баталіі праходзяць у футбольным манежы.

«Гэты турнір мы праводзім штогод, і для нашых юных футбалістаў ён з’яўляецца добрай спаборніцкай практыкай, тут набываецца неацэнны міжнародны вопыт, а таксама спаборніцтвы садзейнічаюць умацаванню партнёрскіх стасункаў і сяброўства з футбольнымі клубамі», – адзначылі суразмоўцы.

Спаборніцтвы будуць доўжыцца да 14 кастрычніка. Найлепшыя каманды будуць узнагароджаны кубкамі і памятнымі падарункамі.

Сяргей Гарлуковіч нарадзіўся 18 лістапада 1961 года ў вёсцы Баруны Ашмянскага раёна Гродзенскай вобласці. Выхаванец Магілёўскай СДЮШАР № 7 па футболе ў 1988 годзе стаў чэмпіёнам ХХIV Алімпійскіх гульняў у Сеуле ў складзе каманды СССР. Чатырохразовы чэмпіён Расіі (1995–1998 гадоў) у складзе каманд «Спартак-Аланія» (Уладзікаўказ), «Спартак» (Масква). Віцэ-чэмпіён Германіі (1992) у складзе каманды «Барусія» (Дортмунд). Заслужаны майстар спорту. Кавалер ордэна «Знак пашаны».

Фота – ФК «Днепр-Магілёў»