У гэтым годзе ў Магілёўскай вобласці валавы збор гародніны чакаецца вышэйшы за леташні

Сёлета ў Магілёўскай вобласці валавы збор гародніны чакаецца вышэйшы за леташні. Пра гэта паведамілі ў аддзеле раслінаводства камітэта па сельскай гаспадарцы і харчаванні Магілёўскага аблвыканкама.

«У Магілёўскай вобласці толькі пачынаецца актыўная фаза ўборкі агароднінных культур. На сённяшні дзень убрана 330 га, сабрана амаль 1,3 тыс. т ураджаю», – адзначылі спецыялісты.

Да работ прыступілі ў самых «агароднінных» раёнах вобласці: Бабруйскім, Кіраўскім і Магілёўскім. Цяпер тут ідзе ўборка сталовых буракоў. Ураджайнасць гэтай культуры ў вобласці складае больш за 350 ц/га.

Паралельна ідзе ўборка бульбы. На сённяшні дзень убрана больш за 390 га, накапана больш за 18 тыс. т. Да гэтых работ прыступілі ў васьмі раёнах вобласці. Ураджайнасць складае больш за 450 ц/га. Усяго ў рэгіёне неабходна ўбраць бульбу з плошчы 4,5 тыс. га.

«У гэтым годзе віды на ўраджай агародніны ў рэгіёне добрыя, валавы збор чакаецца вышэйшы, чым у мінулым. Гэтаму спрыялі праведзеныя якасна і ў тэрмін сельскагаспадарчыя работы. Бясспрэчна, вялікі ўклад унесла надвор’е, якое спрыяльна паўплывала на рост і паспяванне гародніны», – падсумавалі ў аддзеле раслінаводства камітэта па сельскай гаспадарцы і харчаванні.

БЕЛТА