Не толькі выстаяць, але і дасягнуць новых паказчыкаў. Адзін з самых буйных вытворцаў тэкстыльнай прадукцыі Беларусі – Магілёўскі «Магатэкс» – развіваецца насуперак санкцыям. На прадпрыемстве працуе амаль 3000 чалавек. І здацца ў цяжкія часы – гэта не пра тэкстыльны гігант. Тут знайшлі новыя рынкі збыту, асвоілі нязвыклыя раней спосабы продажаў і распрацавалі новыя віды прадукцыі.
Аркестр прадзільных машын і станкоў у цэхах прадпрыемства «Магатэкс» не змаўкае ні на хвіліну. Толькі тканіны вырабляюць больш за 100 тысяч пагонных метраў за суткі, хатняга тэкстылю і спецадзення – 3 тысячы адзінак. Асартымент – больш за 300 найменняў. Але удасканаленню няма мяжы! Новая прадукцыя прадпрыемства – тканіны блэкаўт і калекцыя адзення.
Ксенія Барысевіч, кіраўнік сектара развіцця прадпрыемства «Магатэкс»: «Па гэты год у нас была пастаўлена задача – асвоіць рынак паўсядзённага адзення, і мы з гэтай задачай справіліся. У нас з’явілася навінка – тканіна балоння. Прызначана для адзення, якое будзе абараняць ад непагадзі: курткі, парасоны, камізэлькі і модныя зараз шоперы».
Вядома, санкцыйны ціск не прайшоў зусім ужо незаўважаным. Але рукі ў літаральным сэнсе «не апусцілі» – за месяц адладзілі лагістыку і вырашылі пытанне з рынкамі збыту, сыравінай і камплектуючымі. Захавалі прыбытак і працоўныя месцы (а на тэкстыльным гіганце працуе амаль 3 тысячы чалавек).
Таццяна Ашкіназі, начальнік участка разбракоўкі прадпрыемства «Магатэкс»: «Не будзем крывіць душой, калі ўвялі санкцыі, усе перажывалі: ці будзем мы працаваць. Але мы выстаялі. Самае важнае, каб стабільна была праца і заработная плата. З добрым настроем людзі прыходзілі на працу і з добрым настроем сыходзілі».
Аздобная фабрыка, швейнае абсталяванне і тэхпераўзбраенне – мадэрнізацыю на прадпрыемстве правялі ў некалькі этапаў. Толькі апошні інвестпраект па абнаўленні парку тэхналогій абышоўся ў 42,5 мільёна рублёў. І выдаткі нават у новых рэаліях ужо даюць плён.
Алег Буянаў, намеснік генеральнага дырэктара прадпрыемства «Магатэкс»: «Мы ўвайшлі ў гэты перыяд падрыхтаванымі з пункту гледжання тэхналагічнага. Сучаснае абсталяванне дазваляе выпускаць якасную і запатрабаваную прадукцыю. Мы забяспечаны кадрамі. І практычна цалкам завяршылі працу па пераводзе імпартных складнікаў на краіны з сяброўскімі адносінамі да нас».
«Магатэкс» – экспартаарыентаванае прадпрыемства, на знешні гандаль прыходзілася каля 70%. Пасля таго як ўзялі «курс на ўсход», гэты паказчык выстаяў. Асвоілі і новы спосаб продажаў: хатні тэкстыль ужо можна набыць праз топавыя інтэрнэт-пляцоўкі. Санкцыі хоць і перакрылі кісларод для супрацоўніцтва з шэрагам еўрапейскіх краін, але адмовіцца ад якаснага магілёўскага тэкстылю змаглі і захацелі далёка не ўсе.
Наталля Пагірская, начальнік упраўлення швейнай вытворчасці прадпрыемства «Магатэкс»: «Наша прадукцыя аказалася настолькі запатрабаванай, што краіны Балтыі не змаглі ад яе адмовіцца. І мы працягваем сваю вытворчасць для гэтых краін. Мы ўжо лічым, што на сёння нам не хапае ўжо нашых магутнасцяў і ў нашых планах ідзе нарошчванне. Каб справіцца з тымі экспартнымі заказамі, якія мы маем на сёння».
Заказы на прадукцыю «Магатэкса» распісаныя на найбліжэйшыя тры месяцы. Планы да канца года – выпусціць прадукцыю на суму больш за 50 мільёнаў долараў. Прыбытак плануюць укласці ў інавацыйныя праекты і павелічэнне заработных плат.
Пры выкарыстанні матэрыялаў актыўная гіперспасылка на mogilev-region.gov.by абавязковая
25.05.2024 - 16:38
За апошнія пяць гадоў у эканоміку Магілёўскага раёна прыцягнута два мільярды рублёў інвестыцый
22.04.2024 - 10:15
«Бабруйскаграмаш» правёў выпрабаванне навінкі - культыватара КМП-10
15.04.2024 - 16:22
Першыя ўраджаі таматаў збіраюць у Кіраўскім «Рассвете» (відэа)
15.04.2024 - 09:35