За дзесяць месяцаў 2018 года аб’ём прамысловай вытворчасці ў Магілёўскай вобласці вырас на 3,9%

У Магілёўскай вобласці за дзесяць месяцаў 2018 года аб’ём прамысловай вытворчасці ў бягучых цэнах склаў больш за Br7 668 млн., або ў супастаўных цэнах 103,9% да аналагічнага перыяду 2017-га. Пра гэта паведамілі ў галоўным статыстычным упраўленні рэгіёна.

Аб’ём прамысловай вытворчасці горназдабыўной прамысловасці склаў 118,2%, у апрацоўчай прамысловасці – 104,6%, у забеспячэнні электраэнергіяй, газам, парай, гарачай вадой і кандыцыянаваным паветрам – 99,6%, у водазабеспячэнні, зборы, апрацоўцы і выдаленні адходаў, дзейнасці па ліквідацыі забруджванняў – 101,3%.

У 7 з 13 галін апрацоўчай прамысловасці аб’ём прамысловай вытворчасці за студзень-кастрычнік 2018 года перавысіў узровень дзесяці месяцаў 2017-га. Найбольшы прырост назіраўся ў вытворчасці транспартных сродкаў і абсталявання (на 57,6%), іншых гатовых вырабаў; рамонце, мантажы машын і абсталявання (на 25,9%), вылічальнай, электроннай і аптычнай апаратуры (на 20,5%), вырабаў з дрэва і паперы; паліграфічнай дзейнасці і тыражаванні запісаных носьбітаў інфармацыі (на 11,7%).