Зборачную вытворчасць магілёўскіх ліфтаў у хуткім часе плануецца пачаць у Арменіі

Беларусь і Арменія дамовіліся аб сумеснай вытворчасці ліфтаў. Пра гэта пасол Беларусі ў Арменіі Аляксандр Канюк расказаў у інтэрв’ю інфармацыйнай кампаніі «Армінфо».

«Нам удалося дамовіцца аб хуткім наладжванні ў Арменіі зборкі ліфтаў для шматпавярховых дамоў. Ліфты Магілёўскай вытворчасці ўжо з’яўляюцца ў шматпавярховых дамах Ерэвана, бо прадпрыемства выйграла тэндар, абвешчаны мэрыяй армянскай сталіцы яшчэ ў 2019 годзе. Мы вельмі спадзяёмся, што і ў бягучым годзе станем яго пераможцамі», – адзначыў Аляксандр Канюк.

Паводле яго слоў, бакі лічаць неабходным прыступіць да сумеснай зборкі ліфтаў у Арменіі, прычым забяспечыўшы максімальную лакалізацыю іх вытворчасці. «На днях са мной звязвалася кіраўніцтва («Магілёўліфтмаша». – заўв. БелТА), і мы якраз сур’ёзна гаварылі пра тое, каб стварыць зборачную вытворчасць тут, у Арменіі», – расказаў пасол.

Па яго словах, сэрвіснае абслугоўванне магілёўскіх ліфтаў ужо наладжваецца ў Ерэване. «З сэрвіснага абслугоўвання пачнём, затым лакалізацыя і зборачная вытворчасць», – дадаў дыпламат.

БЕЛТА