ПереводчикАрхіў навін
Магілёўцы перамаглі на рэспубліканскім прафесійным конкурсе будучых работнікаў паштовай сувязі. У конкурсе ўдзельнічалі каманды з усіх абласцей Беларусі.
Дыплома I ступені ўдастоена каманда «Паштовыя зорачкі» Магілёўскага прафесійнага электратэхнічнага каледжа. У тройцы найлепшых–каманды з Брэста і Віцебска.
Каля 30 тыс. саджанцаў кавуноў высадзяць на палях ААТ «Рассвет імя К. П. Арлоўскага» Кіраўскага раёна. Праца пачалася ўжо сёння, паведаміў аграном-гароднінавод прадпрыемства Іван Фядотаў.
Тэма выбараў у мясцовыя Саветы дэпутатаў –адна з абмяркоўваемых у выбарчых акругах, заявіла намеснік старшыні Пастаяннай камісіі па міжнародных справах Вольга Петрашова на пасяджэнні Палаты прадстаўнікоў, падчас якога дэпутаты прагаласавалі за зварот да Прэзідэнта з просьбай унесці ў Палату прадстаўнікоў законапраект аб змяненні Канстытуцыі Беларусі. Ён прадугледжвае магчымасць правядзення выбараў у мясцовыя Саветы дэпутатаў 29-га склікання адначасова з правядзеннем выбараў у Палату прадстаўнікоў восьмага склікання.
Абласны злёт юных ратавальнікаў-пажарных пройдзе 26 мая на базе ПАРА-6 Магілёўскага ГАНС.
Удзел у мерапрыемстве прыме 10 каманд –пераможцы аналагічных занальных спаборніцтваў з Магілёва, Бабруйска, Горак, Быхава, Мсціслава, Крычава, Дрыбіна, Магілёўскага і Хоцімскага раёнаў.
У Бялынічах у парку адпачынку «Ліпавы гай» пагранічнікі і мясцовае кіраўніцтва ўстанавілі памятны знак «Пагранічнікам усіх часоў і пакаленняў», паведамілі ў Дзяржпагранкамітэце.
Кампазіцыя, адкрытая напярэдадні Дня пагранічніка, уяўляе сабой камень з выявай варты межаў і пагранічных слупоў з гербамі СССР і Беларусі. У адкрыцці новай славутасці прынялі ўдзел ветэраны і дзеючыя пагранічнікі, прадстаўнікі мясцовых органаў улады.
У Чавусах аматары здаровага ладу спаборнічалі на лыжаролерах. Удзельнікам ад 18 да 70 гадоў! 16 прадстаўнікоў розных катэгорый спаборнічалі на дзвюх дыстанцыях –5 і 3 кіламетры. Падобныя спаборніцтвы сярод аматараў праводзіліся ўпершыню з мэтай стварыць людзям свята, разнастаіць іх вольны час, далучыць да здаровага ладу жыцця. І заняць лыжаролерную трасу ў летні перыяд.
– Такія спаборніцтвы стануць традыцыйнымі. Прычым не толькі ў летні перыяд, але і зімой, – удакладняе адзін з арганізатараў спрынту, дырэктар спецыялізаванай СДЮШАР Чавускага раёна Аляксандр Дарафееў.
Падарунак напярэдадні летніх канікул усім маленькім наведвальнікам зрабіў Магілёўскі заасад. У адкрытых вальерах абжываюцца хатнія жывёлы, якіх можна пагладзіць і пакарміць.
Апарат штучнай вентыляцыі лёгкіх, набыты ў межах праекта «Дай пяць дабру», перадалі ў Магілёўскі спецыялізаваны Дом дзіцяці з арганічным паражэннем цэнтральнай нервовай сістэмы з парушэннем псіхікі прадстаўнікі Беларускага Фонду міру і кампаніі «5 элемент».
Сумесны праект дзвюх арганізацый быў запушчаны ў 2017 годзе. У ім ужо прынялі ўдзел сотні тысяч беларусаў, а дзіцячыя ўстановы ў розных рэгіёнах краіны атрымалі неабходныя апараты жыццезабеспячэння, умацавалі сваю матэрыяльна-тэхнічную базу.
Дзіўную гісторыю, звязаную з абразам Мікалая Цудатворца, расказваюць у чавускай Петухоўцы. Святы стаў заступнікам вёскі і сям’і Уладзіміра Авяр’янава.
Магілёўскаму абласному тэатру лялек прысвоена званне «Заслужаны калектыў Рэспублікі Беларусь». Адпаведную пастанову аб гэтым 25 мая падпісаў міністр культуры Анатоль Маркевіч, паведамілі ва ўстанове культуры.
Абласны тэатр лялек быў створаны ў 1976 годзе. Першы спектакль «Тыграня Петрык» па п’есе Г. Янушэўскай і Я. Вількоўскага тут паказалі 23 мая 1977 года.
У сувязі са сканчэннем навучальнага года і пачаткам летніх канікул, а таксама з мэтай папярэджання ДТЗ з удзелам дзяцей і падлеткаў з 25 мая па 5 чэрвеня ў Магілёўскай вобласці, як і па ўсёй краіне, будзе праводзіцца спецыяльнае комплекснае мерапрыемства «Увага–дзеці!». У гэты час кіроўцам неабходна рухацца ў светлы час сутак з уключаным на транспартным сродку блізкім святлом фар, паведамілі ва УДАІ УУС Магілёўскага аблвыканкама.
Гарадскі конкурс прыгажосці і грацыі «Мілэдзі БРСМ 2021» сярод навучэнскай саюзнай моладзі першасных арганізацый ГА «Беларускі рэспубліканскі саюз моладзі» пройдзе 25 мая ў Магілёве. Мерапрыемства адбудзецца на пляцоўцы сацыяльна-гуманітарнага каледжа УА «Магілёўскі дзяржаўны ўніверсітэт імя А. А. Куляшова» (пачатак у 14.00).
У Ленінскім і Кастрычніцкім раённых камітэтах БРСМ ужо адбыліся раённыя адборачныя туры. У красавіку 18 прыгажунь змагаліся за месца ў фінале, а зараз 6 прадставяць свае навучальныя ўстановы на выніковым спаборніцтве.
Прэзідэнт Беларусі Аляксандр Лукашэнка падпісаў закон, якім карэкціруецца заканадаўства аб сродках масавай інфармацыі, а таксама закон, якім уносяцца змяненні ў заканадаўства аб масавых мерапрыемствах.
Адкарэкціраваны закон аб СМІ
Член Савета Рэспублікі Нацыянальнага сходу Рэспублікі Беларусь Дзмітрый Сяргеевіч Варанюк 27 мая з 15.00 да 17.00 правядзе прыём грамадзян у Магілёўскім гарадскім выканаўчым камітэце (вул. Першамайская, 28а).
Запісацца на прыём можна па тэлефонах: (80222) 62 86 60, +37529 246 51 36.
Абласная ваенна-патрыятычная гульня «Зарніца» збярэ ў горадзе на Дняпры каля 240 школьнікаў з усяго рэгіёна. Пра гэта паведаміла старшыня Магілёўскага абласнога савета ГА «БРПА» Алена Малдаванава.
Гульня пройдзе 26 мая на тэрыторыі Абласнога цэнтра творчасці (пачатак у 11.00). Сюды прыбудуць 24 каманды-пераможцы раённых этапаў гульні. У складзе кожнай з іх – па 10 чалавек ва ўзросце 13–14 гадоў.
У Магілёўскай вобласці вызначылі пераможцаў абласных конкурсаў выяўленчай творчасці «Маё будучае – бяспека працы маіх бацькоў!», сачыненняў «Што б я зрабіў для бяспекі працы работнікаў, калі б быў кіраўніком прадпрыемства», вырабаў дэкаратыўна-прыкладной творчасці«Ахова працы – вачыма дзяцей». Узнагароджанне прайшло сёння ў аблвыканкаме.
У Магілёўскай вобласці вызначылі пераможцаў штогадовага агляду-конкурсу на самую лепшую арганізацыю па ахове працы і прафілактыцы вытворчага траўматызму за 2020 год. Ушанаванне адбылося сёння ў аблвыканкаме.
Напярэдадні Міжнароднага дня абароны дзяцей Магілёўскі абласны камітэт ГА «Беларускі рэспубліканскі саюз моладзі» праводзіць традыцыйную дабрачынную акцыю«Дзень абароны дзяцей з БРСМ». Валанцёры імкнуцца акружыць клопатам выхаванцаў дзіцячых дамоў, сацыяльна-педагагічных цэнтраў, карэкцыйна-развіваючых устаноў, дзяцей, якія выхоўваюцца ў дамах сямейнага тыпу і ў шматдзетных сем’ях.
Зямля – гэта найвышэйшая каштоўнасць любой дзяржавы. Беражлівыя адносіны да выкарыстання зямельных рэсурсаў з’яўляюцца залогам працвітання нацыі, эканамічнай бяспекі краіны. Эфектыўнае выкарыстанне зямель прадугледжвае атрыманне эканамічнага, сацыяльнага, экалагічнага ці іншага карыснага выніку.
Меры бяспекі і дысцыпліны ў школах Магілёўскай вобласці будуць узмоцненыя. На гэта звярнуў увагу начальнік галоўнага ўпраўлення па адукацыі аблвыканкама Андрэй Заблоцкі на пашыраным пасяджэнні, якое прайшло сёння ў Магілёўскім аблвыканкаме.
У Магілёўскай вобласці ў летні перыяд з выкарыстаннем сродкаў рэспубліканскага бюджэту плануецца аздаравіць каля 44 тыс.дзяцей. Пра гэта паведаміў начальнік галоўнага ўпраўлення па адукацыі аблвыканкама Андрэй Заблоцкі на пашыраным пасяджэнні, дзе разглядалася пытанне арганізацыі летняй аздараўленчай кампаніі ў 2021 годзе.
Фактычна яна стартуе праз тыдзень. Прыняты адпаведныя рашэнні аблвыканкама і зацверджаны пералік арганізацый для функцыянавання лагераў працы і адпачынку, што павінна арганізаваць бяспечны, змястоўны і актыўны адпачынак дзяцей у летні перыяд.
Сёлета эканоміка Магілёўскай вобласці працягвае траекторыю ўстойлівага росту. Пра гэта паведаміў намеснік старшыні Магілёўскага аблвыканкама Руслан Страхар на пашыраным пасяджэнні, дзе разглядаліся вынікі сацыяльна-эканамічнага развіцця рэгіёна за студзень-красавік 2021 года.
У Магілёўскай вобласці ў рэестрах пустуючых дамоў на сённяшні дзень налічваецца 919 аб’ектаў. Такія будынкі не толькі псуюць эстэтыку гарадоў і вёсак, але і з’яўляюцца крыніцай павышанай небяспекі. Тэрыторыі такіх домаўладанняў зарастаюць пустазеллем, становяцца месцам стыхійных звалак смецця, тут збіраюцца асобы без пэўнага месца жыхарства, нярэдка ўспыхваюць пажары. Зямля –каштоўны рэсурс, які, калі і не знойдзе новага ўласніка, можа спатрэбіцца ў гаспадарчым абароце. Не дзіўна, што праблеме існавання старых дамоў наша дзяржава надае павышаную ўвагу.
Камітэт дзяржкантролю Магілёўскай вобласці праверыў законнасць і эфектыўнасць выкарыстання дзяржаўных сродкаў і маёмасці ва ўстанове аховы здароўя «Чавуская цэнтральная раённая бальніца». Пра гэта паведаміў намеснік старшыні ведамства Алег Стрыгун.
Культурнай сталіцай Беларусі ў 2022 годзе абраны горад Орша. Такое рашэнне прынята на пасяджэнні калегіі Міністэрства культуры, якое прайшло ў Бялынічах.
За ганаровы статус сёлета змагаліся горад Кобрын Брэсцкай вобласці, МазырГомельскай, Іўе і Навагрудак Гродзенскай, Мсціслаў Магілёўскай вобласці.
Рэспубліканская акцыя «Культурная сталіца года» праводзіцца Міністэрствам культуры з 2010 года.
Сход абласнога бацькоўскага актыву «Актыўнае і бяспечнае лета!» адбудзецца 21 мая ў Магілёве. Асноўнай пляцоўкай мерапрыемства стане Магілёўскі дзяржаўны абласны інстытут развіцця адукацыі. У рэжыме анлайн да працы падключацца студыі ў рэгіёнах і ўстановах адукацыі. У палілогу возьмуць удзел прадстаўнікі ўпраўленняў і камітэтаў аблвыканкама, райвыканкамаў, УУС, МНС, АСВОДа, бацькоўскай грамадскасці, псіхолагі і настаўнікі.
Міністр інфармацыі Уладзімір Пярцоў у межах Адзінага дня інфармавання правёў сустрэчу з працоўнымі калектывамі медыяхолдынга «Бабруйскае жыццё», раённай газеты «Трыбуна працы», друкарні імя А. Т. Непагодзіна, кіраўніцтвам Бабруйскага філіяла ААТ «Магілёўсаюздрук» і магазінаў ААТ «Белкніга».
Выніковасць працы любога калектыву шмат у чым залежыць ад кіруючага складу арганізацыі і непасрэдна асобы самога кіраўніка. Такое меркаванне выказаў памочнік Прэзідэнта–інспектар па Магілёўскай вобласці Леанід Мартынюк падчас сустрэчы з калектывам філіяла «Белдзяржстраха» па Магілёўскай вобласці.
Студэнцкія атрады працуюць на аб’ектах і ў арганізацыях Магілёўскай вобласці. Пра гэта паведамілі ў абласным камітэце ГА «БРСМ».
Як расказалі суразмоўцы, у межах круглагадовай працоўнай занятасці на тэрыторыі рэгіёна ў маі гэтага года працуе 8 студэнцкіх атрадаў колькасцю больш за 70 чалавек. Моладзь працуе на аб’ектах сельгаспрадпрыемстваў, аказвае дапамогу гаспадаркам у пасевах яравых культур, афарбоўцы мастоў, доглядзе лясных культур. Напрыклад, студэнцкі экалагічны атрад імя Героя Савецкага Саюза А. К. Шмыгуна заняты ў Брожскім лясніцтве ДЛГУ «Бабруйскі лясгас».
У Мінску прайшоў II Міжнародны фестываль-конкурс «Песні, апаленыя вайной», арганізатарам якога выступіў факультэт эстэтычнай адукацыі Беларускага дзяржаўнага педагагічнага ўніверсітэта імя Максіма Танка.
На ўдзел у праекце падалі заяўкі выканаўцы з 9 краін: Рэспублікі Беларусь, Азербайджана, Ізраіля, Казахстана, Кітайскай Народнай Рэспублікі, Латвіі, Малдовы, Украіны, розных рэгіёнаў Расійскай Федэрацыі ва ўзросце ад 6 да 85 гадоў.