Фестываль творчасці інвалідаў саюзнай дзяржавы «Разам мы зможам больш» пройдзе ў Магілёве 22-26 лістапада. Форум адбудзецца на базе абласнога метадычнага цэнтра народнай творчасці і культурна-асветніцкай працы, які з’яўляецца арганізатарам мерапрыемства.
На Магілёўшчыне прыбіраюць наступствы начнога снегападу. Толькі ў абласным цэнтры за мінулую ноч выпала 14 см снегу, што складае чвэрць месячнай нормы, паведамілі ў аблгідрамеце.
Рэдакцыя раённай газеты «Ударны фронт» запусціла цалкам абноўлены партал ШклоўІнфа на ранейшым адрасе shklovinfo.by. Зараз гэта не толькі навінавы мультымедыйны сайт, але і шматфункцыянальны Інтэрнэт-рэсурс, расказаў карэспандэнту сайта галоўны рэдактар выдання Павал Савельеў.
Прававыя прафсаюзныя прыёмы грамадзян пройдуць у Магілёўскай вобласці 30 лістапада. У гэты дзень кожны жадаючы зможа атрымаць бясплатную кансультацыю юрыстаў па пытаннях, звязаных з абаронай працоўных і сацыяльна-эканамічных правоў і інтарэсаў.
Палужскі вучэбна-педагагічны комплекс дзіцячы сад – сярэдняя школа (Краснапольскі раён) стаў пераможцам рэспубліканскага конкурсу школьных бізнес-ідэй. Аб гэтым паведамляецца на сайце Міністэрства эканомікі.
Дабрачынны канцэрт «Падары жыццё дзецям!» пройдзе 30 лістапада ў Магілёве. Мерапрыемства пачнецца ў 17.00 у Доме культуры аўтазавода імя С.М. Кірава, паведаміла карэспандэнту сайта старшыня гарадскога Савета ветэранаў, заслужаны работнік адукацыі Беларусі Зінаіда Пянькова.
Урачыстая цырымонія ўзнагароджання пераможцаў нацыянальнага конкурсу «Прадпрымальнік года» прайшла ў Палацы Рэспублікі. У ліку найлепшых ёсць і прадстаўнікі Магілёўскай вобласці.
Адзіны дзень бяспекі дарожнага руху «Кожнай машыне – зімовыя шыны!» пройдзе ў Магілёўскай вобласці 24 лістапада. Мэта мерапрыемства – падрыхтоўка аўтамабіляў да эксплуатацыі ў зімовых умовах, паведаміла карэспандэнту сайта інспектар аддзялення па агітацыі і прапагандзе ДАІ УУС Магілёўскага аблвыканкама Таццяна Старасотнікава.
У Магілёўскай вобласці за 10 месяцаў 2017 года аб’ём прамысловай вытворчасці ў бягучых цэнах склаў Br6 837,5 млн., або ў супастаўных цэнах 105,8% да аналагічнага перыяду 2016-га. Пра гэта паведамілі ў галоўным статыстычным упраўленні рэгіёна.
Документы для регистрации инициативной группы на выборах местных Советов депутатов необходимо представить не позднее 14 декабря. Информация об этом размещена на сайте ЦИК Беларуси.
У Магілёўскай вобласці за выхадныя дні адбылося сем пажараў, на якіх два чалавекі загінулі. Пра гэта карэспандэнту сайта паведаміла старшы інспектар Цэнтра бяспекі жыццядзейнасці і ўзаемадзеяння з грамадскасцю абласнога ўпраўлення МНС Вольга Нехарошых.
За студзень-кастрычнік 2017 года ў кансалідаваны бюджэт Магілёўскай вобласці паступіла Br892,2 млн. Аб гэтым карэспандэнту сайта паведамілі ў прэс-цэнтры інспекцыі МПЗ рэгіёна.
Магілёўскі раённы Савет дэпутатаў зацвердзіў Палажэнне аб гімне Магілёўскага раёна. Адпаведнае рашэнне райсавета апублікавана на Нацыянальным прававым інтэрнэт-партале.
Магіляўчанка Ліліяна Садоўская заваявала першае месца ў сярэдняй групе (ад 11 да 13 гадоў) на міжнародным конкурсе выканаўцаў эстраднай песні «Халі-хало» ў Наваполацку. У малодшай групе (ад 8 да 10 гадоў) перамогу атрымаў Даніэль Вольскі (Мінск), а ў старэйшай (ад 14 да 16 гадоў) – Алена Алферына (Румынія).
Прамую тэлефонную лінію правядзе 25 лістапада намеснік старшыні Магілёўскага аблвыканкама Дзмітрый Іванавіч Харытончык. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.
У Магілёўскай вобласці ў 60% выпадкаў затрыманне нецвярозых кіроўцаў супрацоўнікамі ДАІ адбываецца дзякуючы пільнасці грамадзян. Пра гэта паведаміў сёння на брыфінгу, прысвечанаму прафілактыцы дарожна-транспартных здарэнняў, начальнік упраўлення ДАІ УУС Магілёўскага аблвыканкама Міхаіл Неўмяржыцкі.
Жыхарак абласнога цэнтра запрашаюць прыняць удзел у навагоднім конкурсе «Галоўная Снягурка Магілёва – 2018». Пра гэта карэспандэнту сайта паведамілі ў аддзеле ідэалагічнай работы, культуры і па справах моладзі гарвыканкама.
За 10 месяцаў 2017 года суб’екты малога і сярэдняга бізнесу Магілёўскай вобласці заплацілі Br303,4 млн., або 34% ад агульных паступленняў у бюджэт рэгіёна. Пра гэта карэспандэнту сайта паведамілі ў прэс-цэнтры інспекцыі МПЗ па рэгіёне.
