Архіў

У Дзень стварэння магілёўскай міліцыі на памятны знак УУС унесены чатыры прозвішчы супрацоўнікаў міліцыі, якія загінулі пры выкананні службовага абавязку ў даваенны час. Гэта міліцыянеры Войтаў, Каранеўскі, Лісоўскі А. К. і Прахарэнка.

У сувязі з рамонтам дарогі пры руху з боку вуліцы Касманаўтаў трэба трымацца лявей і рухацца па ўказальніках. Пры руху з боку праспекта Шміта зменаў няма. Хуткасць на гэтым участку зніжана да 30–40 км/г.

На руху тралейбусаў рамонт трасы не адаб’ецца.

Выпускныя вечары ў школах Беларусі пройдуць 10 чэрвеня, паведаміла сёння журналістам намеснік начальніка галоўнага ўпраўлення агульнай сярэдняй, дашкольнай і спецыяльнай адукацыі - начальнік упраўлення агульнай сярэдняй адукацыі Міністэрства адукацыі Ірына Каржова.

Чатыры брыгады кветкаводаў прадпрыемства «Магілёўзелянбуд» працуюць над стварэннем летняга вобраза Магілёва. На гарадскія клумбы высаджваюць мільён кветак, якія вырасцілі вясной у цяплічным комплексе.

Выпускныя экзамены ў школах Беларусі пройдуць з 1 па 9 чэрвеня, паведаміла сёння журналістам намеснік начальніка галоўнага ўпраўлення агульнай сярэдняй, дашкольнай і спецыяльнай адукацыі - начальнік упраўлення агульнай сярэдняй адукацыі Міністэрства адукацыі Ірына Каржова.

Рэспубліканскі «Апошні званок» пройдзе 27–28 мая ў Бабруйску, сказала сёння журналістам кансультант галоўнага ўпраўлення выхаваўчай работы і маладзёжнай палітыкі Міністэрства адукацыі Ларыса Емяльянчык.

Камунальныя плацяжы для беларусаў зменяцца з 1-га чэрвеня. За што і колькі будзем плаціць? 

Праведзеныя Камітэтам дзяржкантролю Магілёўскай вобласці кантрольна-аналітычныя мерапрыемствы па пытаннях арганізацыі і ажыццяўлення кантрольнай (нагляднай) дзейнасці органамі дзяржаўнай ветэрынарнай службы рэгіёна паказалі, што прымаемыя імі меры недастатковыя. Пра гэта паведаміў першы намеснік старшыні ведамства Дзмітрый Захараў.

28 мая 30 студэнтаў Беларускага дзяржаўнага ўніверсітэта харчовых і хімічных тэхналогій (назву ён змяніў гэтай вясной, больш вядомы як Магілёўскі дзяржаўны ўніверсітэт харчавання – адзіная ВНУ ў краіне, дзе рыхтуюць спецыялістаў харчовай прамысловасці) у складзе сэрвіснага атрада адправяцца ў Анапу. Яны будуць працаваць у новым гатэлі.

Скончаны капітальны рамонт моста праз раку Ала у Бабруйскім раёне на аўтамабільнай дарозе Р-43 «Мяжа Расійскай Федэрацыі (Звянчатка) – Крычаў – Бабруйск – Івацэвічы». Пра гэта паведамляецца на сайце РУП «Магілёўаўтадар».

Паспяхова завяршылі пасяўную льнаводы вобласці. Насенне лёну легла ў глебу на плошчы 7 300 гектараў. Гэта другі пасля Віцебскай вобласці паказчык па аб’ёмах вырошчвання лёну-даўгунцу ў рэспубліцы. Сярод тых, хто асабліва вызначыўся на пасяўной, у аблсельгасхарчы называюць ільновадаў ААТ «Горкілён».

На палях ААТ «Быхаўскі кансервава-агароднінасушыльны завод»у разгары– сяўба зялёнага гарошку. Сёлета пасяўныя плошчы тут вырашылі павялічыць да 500 гектараў.

Камітэт па сельскай гаспадарцы і харчаванні аблвыканкама, райсельгасхарчы, сельскагаспадарчыя арганізацыі вобласці прадастаўляюць выпускнікам 2021 года магчымасць заключэння мэтавых дагавораў на падрыхтоўку спецыялістаў ва ўстановах адукацыі аграрнага профілю.

У Магілёўскай вобласці, паводле даных на 18 мая, яравыя культуры пасеяны амаль на 80% вызначаных плошчаў. Лідзіруе Мсціслаўскі раён– 87%. Трохі адстаюць ад лідара Магілёўскі, Клічаўскі і Крычаўскі раёны. Актыўнымі тэмпамі вядзецца пасеў агароднінных культур (62%).

Пераможцаў адкрытага гарадскога конкурсу «Мы–сям’я Беларусі» ўзнагародзяць у Магілёве 20 мая. Пра гэта паведамілі ў Цэнтры творчасці «Эверэст», на пляцоўцы якога ў 17.30 пачнецца другі этап спаборніцтва.

Міністр архітэктуры і будаўніцтва Руслан Пархамовіч сёння наведаў Беларуска-Расійскі ўніверсітэт. Ён азнаёміўся з выставай дасягненняў ВНУ ў галіне будаўніцтва, праектавання і занятасці моладзі, даведаўся пра навуковыя даследаванні і перспектыўныя праекты. Таксама для гасцей правялі экскурсію па лабараторыях новага корпуса навучальнай установы, дзе наглядна прадэманстравалі магчымасці наяўнага абсталявання.

У Магілёўскім абласным ліцэі № 3 працуе ўнікальная выстава «Салдатамі былі ўсе».

Навучэнцы і педагогі не толькі аформілі стэнды пра легендарных воінаў, але і прынеслі на выставу бытавыя сямейныя рэліквіі. Рэчы сярэдзіны 20 стагоддзя надалі экспазіцыі своеасаблівы каларыт.

У Магілёве стартаваў турнір па міні-футболе, прысвечаны памяці ветэрана Вялікай Айчыннай вайны, органаў унутраных спраў і спорту Мікалая Іванавіча Падшываленкі. Ён пайшоў з жыцця амаль 6 гадоў таму, але бравага афіцэра, заслужанага трэнера БССР, ганаровага дынамаўца на Магілёўшчыне памятаюць і паважаюць.

Высадзіць кавуны рыхтуюцца ў ААТ «Рассвет імя К. П. Арлоўскага» Кіраўскага раёна. Расаду вырасцілі ва ўласным цяплічным комплексе.

Рэспубліканская інфармацыйна-адукацыйная антытытунёвая акцыя «Беларусь супраць тытуню»стартавала ў Магілёўскай вобласці пад дэвізам «Час адмовіцца ад тытуню». Кампанія заклікана павысіць дасведчанасць насельніцтва аб згубных наступствах ужывання тытуню для чалавека – ад раку да хранічных рэспіраторных захворванняў.