Содержимое

У Мсціслаўскім раёне 6-8 верасня прайшла 12-я спартакіяда актыву Саюзнай моладзі Магілёўскай абласной арганізацыі ГА «БРСМ», прысвечаная Дню нараджэння саюза. На базе адпачынку «Сямігор’е» сабраліся самыя актыўныя, ініцыятыўныя і таленавітыя маладыя людзі. У складзе каманд з усіх рэгіёнаў Магілёўскай вобласці хлопцы і дзяўчаты прадэманстравалі сілу і спрыт, бліснулі эрудыцыяй і талентам.

Фота - mstlife.by

Акцыя «Чырвоны Крыж – за бяспеку» прайшла ў Магілёве 7 верасня на пляцоўцы каля дыягнастычнага цэнтра. Тут размясціліся тэматычныя пляцоўкі па правільнай арганізацыі бяспечнай прасторы. Сумесна з МНС і ўстановамі адукацыі былі праведзены інфармацыйныя акцыі, майстар-класы, дзіцячыя гульні і конкурсы, квэст па тэме «Рэагаванне на надзвычайныя і крызісныя сітуацыі».