Содержимое

Работнікі будаўнічых арганізацый Магілёва з сем’ямі рынялі ўдзел 29 лютага ў спартыўна-забаўляльным свяце «Масленіца–2020». Аргкамітэт пастараўся, каб свята прайшло весела і ярка, таму ўключыў у праграму шмат цікавага: канцэрт мастацкай самадзейнасці, спартыўныя спаборніцтвы, анімацыйнае шоу для дзяцей, флэшмобы, конкурсы і дыскатэку. Не абышлося і без традыцыйнага для Масленіцы спальвання пудзіла зімы.

У Магілёве прайшла XII (XXXIV) справаздачна-выбарная канферэнцыя абласной арганізацыі Камуністычнай партыі Беларусі. У пасяджэнні прынялі ўдзел дэлегаты гарадоў і раёнаў Прыдняпроўскага краю. У справаздачным дакладзе першы сакратар абкама КПБ Алег Стальмашок, ахарактарызаваўшы грамадска-палітычную і эканамічную сітуацыю ў Рэспубліцы і вобласці, адзначыў, што партыйная арганізацыя нашага рэгіёна мае выразную і паслядоўную ідэалогію, якая супадае з дзяржаўнай. Таму члены арганізацыі актыўна ўдзельнічаюць у мерапрыемствах патрыятычнай накіраванасці.

У аблвыканкаме 28 лютага адбылося пашыранае пасяджэнне Прэзідыума Магілёўскай абласной арганізацыі Беларускага таварыства Чырвонага Крыжа. На сходзе падвялі вынікі рэалізацыі стратэгічных напрамкаў гуманітарнай дзейнасці ў 2019 годзе, а таксама абмеркавалі задачы на 2020-ы. Падчас мерапрыемства адбылося ўручэнне падзячных лістоў актывістам.