Содержимое

У Магілёве на плошчы Славы ў Дзень Незалежнасці Беларусі адбыўся вялікі канцэрт «Мы будзем помніць перамогі і лёс наш мірна будаваць» з удзелам зорак беларускай эстрады, вядучых калектываў і салістаў вобласці. Традыцыйна 3 ліпеня жыхары рэгіёна падтрымалі рэспубліканскую акцыю «Праспяваем гімн разам!». Разам з моладдзю, ветэранамі і грамадскасцю гімн краіны выканалі кіраўнікі горада і вобласці. Завяршыліся святы маляўнічым салютам.

Мітынг, прысвечаны Дню Незалежнасці Рэспублікі Беларусь, адбыўся 3 ліпеня на мемарыяльным комплексе «Буйніцкае поле». Ускласці вянкі і кветкі на святым для кожнага жыхара Прыдняпроўскага краю месцы прыйшлі кіраўнікі горада і вобласці, прадстаўнікі абласнога і гарадскога Савета дэпутатаў, сілавых структур, грамадскіх арганізацый, працоўных калектываў, ветэраны і моладзь. Памяць загінулых салдат ушанавалі хвілінай маўчання, у іх гонар прагучаў зброевы салют.