Содержимое

Забаўляльныя мерапрыемствы, прысвечаныя Дню Незалежнасці, у Магілёве стартавалі апоўдні на пляцоўцы каля дыягнастычнага цэнтра з канцэртнай праграмай. У парку Падміколля прайшло спартыўна-турыстычнае свята «Здаровы я – здаровая краіна». Святочныя пляцоўкі разгарнуліся па вуліцы Ленінскай. Тут працавала літалея «Мая Беларусь», беларуская майстэрня, арт-прастора «Мастацтва і Радзіма», адбылося свята вышыванкі. У скверы 40-годдзя Перамогі для моладзі арганізавалі фестываль фарбаў.

Мітынг, прысвечаны Дню Незалежнасці Рэспублікі Беларусь, адбыўся 3 ліпеня на мемарыяльным комплексе «Буйніцкае поле». Ускласці вянкі і кветкі на святым для кожнага жыхара Прыдняпроўскага краю месцы разам прыйшлі кіраўнікі горада і вобласці, прадстаўнікі абласнога і гарадскога Савета дэпутатаў, сілавых структур, грамадскіх арганізацый, працоўных калектываў, ветэраны і моладзь. Памяць загінулых салдат ушанавалі хвілінай маўчання, у іх гонар прагучаў зброевы салют.