Содержимое

Клімавічы на тры дні сталі эпіцэнтрам дзіцячай творчасці, дзе танцуюць, спяваюць і малююць. Для горада фестываль «Залатая пчолка» – яркая і доўгачаканая падзея: вялікага міжнароднага свята з нецярпеннем чакалі і ўдзельнікі, і мясцовыя жыхары. Фестывальныя традыцыі складаюцца ў раённым цэнтры ўжо на працягу 20 гадоў, і з кожным годам яны толькі памнажаюцца.

Юбілейны, ХХ Міжнародны фестываль дзіцячай творчасці «Залатая пчолка» сабраў у Клімавічах дзяцей з розных куткоў Беларусі, Расіі, Арменіі, Казахстана, Кыргызстана, Узбекістана – усяго каля 500 удзельнікаў! Сёння іх першы конкурсны дзень: праслухоўванне і прагляд у вакале, харэаграфіі, выяўленчым мастацтве.

Больш за 250 мерапрыемстваў рэспубліканскай дабрачыннай акцыі «Дзень абароны дзяцей з БРСМ» пройдуць па ўсёй краіне напярэдадні і ў Міжнародны дзень абароны дзяцей, аб чым паведаміла карэспандэнту сакратар Цэнтральнага камітэта Беларускага рэспубліканскага саюза моладзі Аляксандра Ганчарова.