культура

Свята «Купалле» («Александрыя збірае сяброў») у 2023 годзе будзе фінансавацца з бюджэту Саюзнай дзяржавы. Пра гэта паведамілі ў прэс-службе Парламенцкага сходу Саюза Беларусі і Расіі па выніках праведзенага ў Мінску пасяджэння Камісіі Парламенцкага сходу па сацыяльнай і маладзёжнай палітыцы, навуцы, культуры і гуманітарных пытаннях.

Ужо адзінаццатым разам у аграгарадку Александрыя Шклоўскага раёна пройдзе рэспубліканскае свята «Купалле». На фестывальным кірмашы са старадаўнімі традыцыйнымі рамёствамі беларусаў знаёмяцца не толькі госці, але і самі майстры. Да кожнага фэсту адпраўляюцца ў этнаграфічныя экспедыцыі, каб адрадзіць ва ўсёй паўнаце адзін з відаў народнага мастацтва. Так, на адным з фестываляў праводзіўся конкурс народных касцюмаў, летась сімвалам свята быў ручнік, а ў гэтым – беларуская лялька.

Клімавічы на тры дні сталі эпіцэнтрам дзіцячай творчасці, дзе танцуюць, спяваюць і малююць. Для горада фестываль «Залатая пчолка» – яркая і доўгачаканая падзея: вялікага міжнароднага свята з нецярпеннем чакалі і ўдзельнікі, і мясцовыя жыхары. Фестывальныя традыцыі складаюцца ў раённым цэнтры ўжо на працягу 20 гадоў, і з кожным годам яны толькі памнажаюцца. Мерапрыемства прырастае новымі падзеямі і ўдзельнікамі, станоўчымі эмоцыямі і незабыўнымі ўражаннямі.

Юбілейны, ХХ Міжнародны фестываль дзіцячай творчасці «Залатая пчолка» сабраў у Клімавічах дзяцей з розных куткоў Беларусі, Расіі, Арменіі, Казахстана, Кыргызстана, Узбекістана – усяго каля 500 удзельнікаў! Сёння іх першы конкурсны дзень: праслухоўванне і прагляд у вакале, харэаграфіі, выяўленчым мастацтве. Для гараджан і гасцей – шмат цікавых лакацый і тэматычных зон.

Прэс-канферэнцыя, прысвечаная юбілейнаму XX Міжнароднаму фестывалю дзіцячай творчасці «Залатая пчолка», які з 26 па 29 мая збярэ на гасціннай клімавіцкай зямлі таленавітых хлопчыкаў і дзяўчынак, адбылася сёння ў Магілёве. Арганізатары расказалі аб праграме свята, колькасці і складзе ўдзельнікаў, арганізацыйных момантах.

Прэзентацыя народных святаў, замежныя дэлегацыі і моладзевая праграма – канцэпцыю правядзення свята «Купалле» («Александрыя збірае сяброў») абмеркавалі ў Магілёве. Пасяджэнне па падрыхтоўцы і правядзенні мерапрыемства адбылося пад кіраўніцтвам намесніка старшыні Магілёўскага аблвыканкама Валерыя Малашкі.

У Магілёве падвялі вынікі адкрытага конкурсу дзіцячай творчасці «Тэатр лялек вачыма дзіцяці». Пра гэта паведамілі ў Магілёўскім абласным Тэатры лялек.

Новую п’есу класіка беларускай драматургіі, старшыню Беларускага саюза тэатральных дзеячаў Аляксея Дударава «Белыя крылы» паставілі ў Магілёўскім драматычным тэатры. Пастаноўку, жанр якой вызначаны як «псіхалагічны накцюрн», ажыццявіла галоўны рэжысёр тэатра Таццяна Пацай.

У кулуарах жартуюць: у «Славянскага базару» ў гэтым годзе з’явіўся сур’ёзны канкурэнт. І справа нават не ў тым, што I Рэспубліканскі конкурс харэаграфічнага мастацтва «Час танцаваць» узначаліў экс-дырэктар Віцебскага форума Аляксандр Сідарэнка. Як аказалася, і там і там у прыярытэце падыход не толькі якасны, але і колькасны. Амаль тысяча ўдзельнікаў з 15 населеных пунктаў краіны на адной сцэне – а гэта 12 (!) гадзін бесперапынных танцаў, якія чаргуюцца з майстар-класамі.

Выстава «Гісторыя посуду: эпоха і стыль» пачне сваю працу ў музеі этнаграфіі Магілёва 5 красавіка. Пра гэта паведамілі ва ўстанове культуры.

На выставе будзе прадстаўлена больш за чатырыста сапраўдных артэфактаў ХVII – пачатку XXI стагоддзяў, якія раскрываюць гісторыю стварэння посуду, яе эвалюцыю: ад глінянага чыгуна да вытанчаных парцалянавых формаў.

Спектакль «Вій» Палескага драматычнага тэатра стаў уладальнікам «Залатой маскі» – галоўнага прыза Міжнароднага маладзёжнага тэатральнага форума «М@rt.Кантакт» у Магілёве.

XV Міжнародны моладзевы тэатральны форум «М.@rt.кантакт», які ў гэтыя дні праходзіць у Магілёве, цалкам апраўдвае свой статус. У кожнай пастаноўцы задзейнічаны або маладыя акцёры, або рэжысёры, або драматургі.

Арганізатарам конкурсу «Дзіцячая цацка: ад мінулага ды сучаснага» з’яўляецца Магілёўскі абласны метадычны цэнтр народнай творчасці і культурна-асветнай работы. Выстава работ удзельнікаў і пераможцаў адбудзецца ў межах мерапрыемстваў рэспубліканскага свята «Купалле» («Александрыя збірае сяброў») 9 ліпеня 2022 года. Усе цацкі прадстаўляюцца адзінай выставачнай экспазіцыяй рэгіёна, якая ўключае абавязкова адну ляльку «Купалінка» ад раёна.

Майстар-клас і творчая сустрэча актрысы тэатра і кіно Алены Барзовай адбыліся на фестывальнай сцэне «М@rt.кантакт». У якасці слухачоў на мерапрыемства былі запрошаныя навучэнцы тэатральнага аддзялення Магілёўскага каледжа мастацтваў.

На Міжнародным маладзёжным тэатральным форуме «М.@rt.контакт» сёння брэсцкі дзень – у асноўную праграму форума ўвайшлі дзве пастаноўкі тэатральных калектываў з Брэсцкай вобласці.

IV Міжнародны конкурс выканаўцаў на баяне і акардэоне «Магілёўскія найгрышы» стартуе ў Магілёве 25 сакавіка. Пра гэта паведамілі ў Магілёўскай дзяржаўнай гімназіі-каледжы мастацтваў імя Я. Глебава.

У гэтым годзе фестываль збярэ каля 500 удзельнікаў з Беларусі, Расіі, Казахстана, Латвіі і Балгарыі. Удзел у творчым спаборніцтве праводзіцца ў вочным і дыстанцыйным фармаце ў трох намінацыях: салісты, ансамблі і аркестры.

Адкрыты конкурс дзіцячай творчасці «Тэатр лялек вачыма дзіцяці» аб’яўлены ў Магілёве. Пра гэта паведамілі ў Магілёўскім абласным тэатры лялек.

«Да ўдзелу ў конкурсе прымаюцца толькі арыгінальныя аўтарскія работы на тэму дзіцячых казак і тэатра, – адзначылі ва ўстанове культуры. – Гэта могуць быць малюнкі, вырабы, лялькі, а таксама цацкі з выявай герояў казак ці сцэн са спектакляў. Наша мэта – прывіць дзецям цікавасць да тэатральнага мастацтва, пашырыць іх веды аб тэатральных ляльках і атрыбутах».

Моладзевы тэатр эстрады прыме ўдзел у Міжнародным маладзёжным тэатральным форуме «Март-контакт – 2022», паведамілі ў тэатры.

Прэм’ера аўтарскага праекта беларускіх бардаў Сяргея Кулягіна і Сяргея Антонава «Вартаўнікі кахання» пройдзе 25 сакавіка а 18.30 у канцэртнай зале «Магілёў».

Тэму вясны, рамантычных адносін і кахання дуэт «Сяржукі» раскрые праз прызму паэзіі, прозы, песень і гумару. У праграме прагучаць гарадскія рамансы, шансон, аўтарскія песні, а ў другім аддзяленні музыканты прапануюць зале праспяваць разам лірычныя бард-хіты. 

Тэматычная выстава, прысвечаная Дню Канстытуцыі Рэспублікі Беларусь, адкрылася 15 сакавіка ў Магілёўскім абласным мастацкім музеі імя П. В. Масленікава. Пра гэта паведамілі ва ўстанове культуры.

Як расказалі суразмоўцы, у экспазіцыі прадстаўлены маштабныя жывапісныя палотны Уладзіміра Маркавіча Пасюкевіча і Анатоля Дзям’янавіча Шыбнёва, якія прысвечаны станаўленню беларускай дзяржаўнасці і з’яўляюцца яркім прыкладам манументальнага жывапісу сацрэалізму з характэрным патрыятычным гучаннем.