Аграрыі Магілёўскай вобласці намалацілі 1 млн т збожжа

Аграрыі Магілёўскай вобласці намалацілі 1 млн т збожжа, паведамляецца ў Міністэрстве сельскай гаспадаркі і харчавання.

Паводле даных на 1 верасня, усяго ў краіне намалочана 7,737 млн т збожжа пры сярэдняй ураджайнасці 37,3 ц/га (у 2019 годзе ўраджайнасць на аналагічную дату складала 31,2 ц/га). У Мінскай вобласці сабралі больш за 1,9 млн т збожжа, у Гродзенскай – 1,5 млн т, Брэсцкай – звыш 1,3 млн т, Магілёўскай – 1 млн т і больш чым па 900 тыс. т – у Віцебскай і Гомельскай абласцях.

Збожжавыя і зернебабовыя культуры (без уліку кукурузы) прыбраныя з 2,077 млн га, што складае 94,7% запланаванай плошчы. У Брэсцкай вобласці ўбрана 99% плошчаў ад плана (336,8 тыс. га), у Гродзенскай – 98,8% (318,7 тыс. га), Мінскай – 98,8% (483,7 тыс. га), Гомельскай – 97,5% (333,1 тыс. га), Магілёўскай – 88% (292,5 тыс. га), Віцебскай – 85,2% (312,5 тыс. га). Працягваецца ўборка грэчкі і проса – у цэлым па Беларусі ўбрана 19,8% і 30% плошчаў адпаведна. Яравы рапс убраны з 21% плошчаў.

Лён выцераблены на 46,6 тыс. га (96,6% уборачнай плошчы). Абгортванне стужак лёну праведзена на 22,4 тыс. га (48,2% да выцерабленага). Ільнотраста паднятая з 4,39 тыс. га, нарыхтавана 14,7 тыс. т пры сярэдняй ураджайнасці 36,7 ц/га.

Акрамя таго, у Беларусі нарыхтавана 785,7 тыс. т сена (77,8% ад плана), 12,917 млн т сенажу (102,5%) і 1,751 млн т сіласу (9,1%). Убрана 8,4% плошчаў кукурузы на сілас і зялёны корм. Усяго сёлета плануецца атрымаць 9,3 млн т адзінак травяных кармоў, прычым найбольшая доля прыйдзецца на Мінскую і Брэсцкую вобласці. Да гэтага часу нарыхтавана 47,5% ад плана.

БЕЛТА