Арцёму Груздеву 25 гадоў. Дужы хлопец ніколі не скардзіўся на здароўе: добры імунітэт нібы адфутбольваў сезонныя захворванні. Да таго ж, малады чалавек – камандзір аддзялення пажарнага аварыйна-выратавальнага паста № 14 Шклоўскага РАНС. У байца і з нарматывамі ўсё ў парадку: фізічныя практыкаванні – неад’емная частка працы. Увогуле, быў перакананы, што кавід яму не страшны. Але ў канцы жніўня хлопец адчуў сябе дрэнна і ўжо на наступны дзень апынуўся ў бальнічнай палаце…