У вобласці 1 верасня каля 113 тыс. вучняў села за парты школ, гімназій і ліцэяў. Прайшлі ўрачыстыя лінейкі, прымеркаваныя да Дня ведаў. З пачаткам новага навучальнага года дзяцей віншавалі не толькі педагогі і бацькі, але і прадстаўнікі органаў дзяржаўнай улады, працоўных калектываў, кіраўнікі прадпрыемстваў і розных арганізацый. Упершыню школьны званок у Дзень ведаў празвінеў для 12 тыс. хлопчыкаў і дзяўчынак, а ў 11-м класе будуць вучыцца 5,8 тыс. юнакоў і дзяўчат.