рэгіёны

Жніво-2024 упэўнена рухаецца да завяршэння. Засталося менш за трэць плошчаў. Уборка збожжавых і зернебабовых культур практычна завяршаецца ў паўднёвых сельскіх раёнах - такіх як Кіраўскі і Асіповіцкі. А вось у Клічаўскім раёне ўборачная новай для рэгіёну культуры - соі - плануецца толькі ў кастрычніку. Як расце соя на Клічаўскіх палях, і для чаго яна патрэбна сельскай гаспадарцы? Пра гэта - у рэпартажы.

Мяжа ў 5 тыс. т намалоту першым у Магілёўскай вобласці перасягнуў камбайнер Сяргей Май з ЗАТ «Сервалюкс Агра».

Дом шматдзетнай сям'і Дудзянковых у вёсцы Новая Слабада Слаўгарадскага раёна прыцягвае асаблівую ўвагу. За некалькі гадоў на некалі закінутым участку вырас прыгожы і сучасны будынак. Абліцоўванне фасада і добраўпарадкаванне тэрыторыі яшчэ не завершаны, але ўжо зразумела: Юрый і Ніна пастараліся на славу. «Без падтрымкі дзяржавы не справіліся б», — усміхаюцца гасцінныя гаспадары і запрашаюць унутр. Яны выхоўваюць пецярых дзяцей і сваім прыкладам вучаць іх сябраваць, паважаць традыцыі і любіць Радзіму.

Горад Мсціслаў у Магілёўскай вобласці 3 жніўня стаў галоўнай святочнай кропкай на карце рэгіёна. Тэматычная музыка, людзі ў сярэднявечных уборах, дамы ў багатых убраннях і рыцары ў зіхатлівых даспехах перанеслі гасцей «Рыцарскага фэсту» ў мінулае. Асаблівае гучанне надае фестывалю месца правядзення - Замкавая гара. Відовішчныя бугурты, конна-трукавае шоу, турнір лучнікаў, разнастайныя лакацыі і майстар-класы, а ноччу фаер-шоу і канцэрты - усім гэтым напоўнены фестывальны дзень у Мсціславе. Карэспандэнты БЕЛТА адправіліся на незвычайны фестываль, каб таксама прасякнуць яго атмасферай.

У сувязі з правядзеннем у Мсціславе фестывалю сярэднявечнай культуры «Рыцарскі фэст» будзе арганізаваны дадатковы маршрут «Магілёў – Мсціслаў».

Як распавёў намеснік дырэктара па пасажырскіх перавозках Магілёўскай філіі «Аўтобусны парк № 1» Рыгор Бараноўскі, камфартабельны аўтобус адправіцца ад аўтавакзала «Магілёў» у 08.00. Назад - у 19.00.

Білеты можна забраніраваць па тэлефоне +375 (29) 398-33-33.

Прэзідэнт паставіў дакладныя тэрміны па ўстараненні наступстваў урагану. У прыватнасці, спецыялісты лясной гаспадаркі да 1 лістапада павінны завяршыць суцэльныя санітарныя рубкі, а да канца года ўбраць адзінкавыя паваленыя дрэвы і захламленасць. На дзялянках Магілёўскай вобласці, адной з найбольш пацярпелых ад разгулу стыхіі, зараз працуюць больш за 350 чалавек, у тым ліку брыгады з Мінскай вобласці - на дапамогу прыйшлі Смалявіцкі, Чэрвеньскі і Бярэзінскі лясгасы.

Трэцяя партыя збожжаўборачных камбайнаў перакінута 30 ліпеня з паўднёвых у паўночныя раёны Магілёўскай вобласці. Гэта неабходна для паскарэння тэмпаў уборкі і зніжэння страт збожжа, расказаў карэспандэнту старшыня камітэта па сельскай гаспадарцы і харчаванні аблвыканкама Анатоль Ланкуць.

У ходзе паездкі ў рэгіён міністр азнаёміўся з шэрагам спартыўных і адукацыйных аб'ектаў. У прыватнасці Сяргей Кавальчук наведаў круглянскую ДЮСШ, мясцовы стадыён, Камсеніцкую сярэднюю школу імя Г.І. Шыбанава і сярэднюю школу №2.  

Колькі цэнтнераў выйдзе з кожнага гектара, залежыць ад сартоў збожжавых, кармавых і алейных культур. Галоўная асаблівасць - устойлівасць да змен клімату і высокая ўраджайнасць. Над гэтым працуюць беларускія вучоныя. На доследных палях Беларускай дзяржаўнай сельскагаспадарчай акадэміі вывучаюць самыя перспектыўныя гатункі. І нават гадуюць кітайскую пшаніцу.

Ураджай 2024 года ў зеніце. Паводле аператыўнай інфармацыі, аграрыі Магілёўшчыны ўбралі 131,5 тысячы гектараў ці 39% плошчаў збожжавых і зернебабовых і намалацілі 338 тысяч тон. Сярэдняя ўраджайнасць 26 цэнтнераў з гектара. Па тэмпах уборкі ў перадавіках Асіповіцкі, Кіраўскі і Глускі раёны. Ставяць у палях і асабістыя рэкорды. Перадавікі-двухтысячнікі, па традыцыі, у Бялыніцкім СВК «Калгас «Радзіма». Гэта экіпаж Мікалая Дарэчкіна і Міхаіла Фурсава.

У Магілёўскай вобласці на працягу двух дзён аграрыі поўнасцю прыбяруць з палёў пашкоджаныя стыхіяй пасевы. Аб гэтым журналістам расказаў першы намеснік старшыні Магілёўскага аблвыканкама Сяргей Савіцкі.

Аграрыі Шклоўскага раёна плануюць завяршыць уборку збожжавых у бліжэйшыя два тыдні. Пра гэта расказаў першы намеснік старшыні - начальнік упраўлення па сельскай гаспадарцы і харчаванні Шклоўскага райвыканкама Аляксандр Кісялёў.

Ад урагану на Магілёўшчыне пацярпела каля 15 тысяч гектараў зерневых. Пры агульнай плошчы амаль 340 тысяч гектараў лічба параўнальна невялікая, але прыбраць ураджай без страт - аксіёма для любога гаспадара. Калі жніво ў разгары, а тэрміны розных палявых работ сёлета супалі, аграрыям даводзіцца прымяняць перазагрузку ў рэжыме «тут і цяпер» з улікам рэсурсаў, прыбытковасці і надвор'я.

Больш за сотню адзінак тэхнікі гарадскіх прадпрыемстваў працуюць на сельскім жніве ў Магілёўскай вобласці. Дапамога гараджан вельмі дарэчы ў гэты спякотны час для сельскіх гаспадарак. Паводле аператыўнай інфармацыі на раніцу 25 ліпеня, убрана трэць ад неабходных плошчаў, намалочана больш за 300 тысяч тон збожжа. І праца на палях Магілёўшчыны працягваецца.

Традыцыйны хрэсны ход у гонар Баркалабаўскай іконы Божай Маці адбудзецца 23 ліпеня. Паломнікам трэба будзе пераадолець 40 км шляху з Магілёва ў Быхаў, расказалі ў Быхаўскім райвыканкаме.

У Магілёўскай вобласці ад стыхіі палегла 15,5 тысячы гектараў зерневых культур. Больш за ўсё пацярпелі пасевы ў Горацкім, Кіраўскім, Магілёўскім, Клімавіцкім, Краснапольскім і Чавускім раёнах.

У разрэзе культур сітуацыя з палегліцай выглядае так: азімая пшаніца — 5848 гектар, азімае жыта — 2667 гектар, азімы трыцікале — 2358 гектар, зернабабовыя — 1055 гектар, яровы ячмень — 2772 гектара, авёс — 595 гектар, яравая пшаніца — 145 гектаров, грэчка - 50 гектар.

Кіраўнік Адміністрацыі Прэзідэнта Дзмітрый Крутой падчас рабочай паездкі ў Магілёўскую вобласць ушаноўваў першага ў краіне трохтысячніка на ўборцы ўраджаю. Да віншаванняў перадавіка таксама далучыўся старшыня Магілёўскага аблвыканкама Анатоль Ісачанка.

Кожны павінен адчуваць асабістую адказнасць за лёс сваёй малой радзімы. Аб гэтым заявіў старшыня Магілёўскага аблвыканкама Анатоль Ісачанка на ўрачыстым сходзе, прысвечаным 100-годдзю з дня ўтварэння Шклоўскага раёна.

Анатоль Ісачанка падкрэсліў, што 100-годдзе ўтварэння Шклоўскага раёна - свята для ўсіх, хто тут нарадзіўся і вырас, хто звязаў свой лёс з гэтай зямлёй, жыве яе сучаснасцю і будучыняй.

Рэгіянальны фестываль па ўстойлівым развіцці Мсціслаўскага раёна «Разам ва ўстойлівае заўтра» прайшоў у Мсціслаўлі.

Удзел у ім прынялі член Савета Рэспублікі Нацыянальнага сходу Рэспублікі Беларусь, старшыня Магілёўскага абласнога Савета дэпутатаў Аляксандр Гарошкін, старшыня Мсціслаўскага райвыканкама Дзмітрый Пімашэнка, старшыня Мсціслаўскага райсавета дэпутатаў Алена Клеенкава, члены Прэзідыума райсавета дэпутатаў, іншыя ганаровыя госці.

Член Пастаяннай камісіі Савета Рэспублікі па міжнародных справах і нацыянальнай бяспецы, старшыня Магілёўскага абласнога Савета дэпутатаў Аляксандр Гарошкін правёў выязны прыём грамадзян, у тым ліку індывідуальных прадпрымальнікаў, іх прадстаўнікоў і прадстаўнікоў юрыдычных асоб у адміністрацыйным будынку Хадасоўскага сельвыканкама Мсціслаўскага раёна.