Рус Бел Eng 中文

рэгіёны Subscribe to RSS - рэгіёны

22.02.2018 - 11:20

У Магілёўскай вобласці за мінулыя суткі адбылося чатыры пажары, на якіх загінулі 2 чалавекі, паведаміла карэспандэнту сайта старшы інспектар Цэнтра бяспекі жыццядзейнасці і ўзаемадзеяння з грамадскасцю абласнога ўпраўлення МНС Вольга Нехарошых.

20.02.2018 - 11:24

Тры чалавекі сталі ахвярамі агню ў Магілёўскай вобласці за мінулыя суткі. Ва ўсіх выпадках версія ўзнікнення пажару – неасцярожнасць пры курэнні, паведаміла карэспандэнту сайта старшы інспектар Цэнтра бяспекі жыццядзейнасці і ўзаемадзеяння з грамадскасцю Магілёўскага абласнога ўпраўлення МНС Вольга Нехарошых.

18.02.2018 - 19:03

Па дадзеных на 18.00 у Чэрыкаўскім раёне Магілёўскай вобласці яўка выбаршчыкаў складала 92%. Пра гэта карэспандэнту сайта паведаміў старшыня абласной выбарчай камісіі Валерый Берастаў.

Набліжаўся да лідара рэгіёна Круглянскі раён. Тут прагаласавала 90% выбаршчыкаў. Таксама высокая актыўнасць адзначана ў Бабруйскім і Чавускім раёнах, дзе ў выбарах дэпутатаў мясцовых Саветаў прыняло ўдзел 88,7% і 88% выбаршчыкаў адпаведна.

15.02.2018 - 16:51

У Крычаве адкрылі мемарыяльную дошку ў памяць аб радавым Уладзіміру Карпаву, які загінуў пры выкананні інтэрнацыянальнага абавязку ў Афганістане. Яна размясцілася на будынку сярэдняй школы №3, выпускніком якой калісьці быў салдат.

Ва ўрачыстым мерапрыемстве прынялі ўдзел сястра і сям’я Уладзіміра Карпава, яго аднакласнікі, воіны-інтэрнацыяналісты, прадстаўнікі мясцовай выканаўчай улады, навучэнцы.

14.02.2018 - 10:14

У Магілёўскай вобласці за суткі здарыўся адзін пажар, які прывёў да гібелі чалавека. Пра гэта карэспандэнту сайта паведаміла старшы інспектар Цэнтра бяспекі жыццядзейнасці і ўзаемадзеяння з грамадскасцю Магілёўскага абласнога ўпраўлення МНС Вольга Нехарошых.

12.02.2018 - 10:54

У Круглянскім раёне выратавалі заціснутую пад будаўнічымі канструкцыямі пенсіянерку. Пра гэта карэспандэнту сайта паведаміла старшы інспектар Цэнтра бяспекі жыццядзейнасці і ўзаемадзеяння з грамадскасцю Магілёўскага абласнога ўпраўлення МНС Вольга Нехарошых.

12.02.2018 - 10:38

Пераможцай XI абласной зімовай спартакіяды работнікаў АПК стала каманда Магілёўскага раёна. Спаборніцтвы праходзілі ў Бялынічах.

Дружына стала найлепшай у спаборніцтвах па настольным тэнісе, у плаванні і шашках. Другія вынікі зборная паказала ў лыжным спорце і эстафеце.

З сярэбранымі медалямі завяршылі выступленне на спартакіядзе прадстаўнікі Кіраўскага раёна. Бронза дасталася Чавускаму раёну. За крок ад п’едэстала спынілася Магілёўскае дзяржаўнае аб’яднанне «Мясамалпрам».

08.02.2018 - 10:18

Дваццатая міжрэгіянальная сустрэча воінаў-інтэрнацыяналістаў Бялыніцкага, Круглянскага, Магілёўскага і Шклоўскага раёнаў, прысвечаная 29-й гадавіне вываду савецкіх войскаў з Афганістана, пройдзе 9 лютага ў Шклове. Пра гэта паведамілі ў райвыканкаме.

У мерапрыемстве прымуць удзел ветэраны афганскай вайны, родныя і блізкія загінулых, прадстаўнікі выканаўчай і заканадаўчай улады, грамадскасць і моладзь. Урачысты мітынг з ускладаннем кветак і вянкоў пройдзе ля мэмарыяльнага комплексу «Памяць».

07.02.2018 - 12:52

Чатыры пажары адбылося за мінулыя суткі ў Магілёўскай вобласці. Адзін з іх скончыўся гібеллю мужчыны, паведаміла карэспандэнту сайта старшы інспектар Цэнтра бяспекі жыццядзейнасці і ўзаемадзеяння з грамадскасцю абласнога ўпраўлення МНС Вольга Нехарошых.

05.02.2018 - 12:54

Гарачымі і трагічнымі выдаліся субота і нядзеля ў Магілёўскай вобласці. Адбылося 12 пажараў, на якіх 5 чалавек загінула, 5 шпіталізавана, у тым ліку двое дзяцей. Пра гэт карэспандэнту сайта паведаміла старшы інспектар Цэнтра бяспекі жыццядзейнасці і ўзаемадзеяння з грамадскасцю Магілёўскага абласнога ўпраўлення МНС Вольга Нехарошых.

01.02.2018 - 10:34

Дзіцячы дом сямейнага тыпу адкрыўся ў Магілёўскім раёне. Сацыяльны аб’ект, які стаў трэцім у раёне і 57-м у вобласці, размясціўся ў новай забудове вёскі Мікалаеўка-2. Ключы ад жылля атрымала шматдзетная сям’я Святланы Марчанка і Аляксандра Нікіфарава.

01.02.2018 - 10:01

У аграэкасядзібе «Усохі» Клічаўскага раёна адкрылі музей дрэва. Пра гэта паведамілі ў райвыканкаме.

Экспазіцыя музея, які размясціўся пасля рамонту ў былой сельскай школе, уключае ў сябе больш за пяцьдзясят адзінак розных старадаўніх вырабаў з дрэва. Яны адлюстроўваюць дух свайго часу і знаёмяць з традыцыйным рамесніцтвам і побытам людзей, якія пражываюць у Клічаўскім раёне. У мясцовых жыхароў сабраны вырабы, кожны з якіх мае сваю ўнікальную гісторыю.

31.01.2018 - 09:54

У рэгіёне за суткі адбыўся адзін пажар, які забраў жыццё чалавека. Пра гэта паведаміла старшы інспектар Цэнтра бяспекі жыццядзейнасці і ўзаемадзеяння з грамадскасцю Магілёўскага абласнога ўпраўлення МНС Вольга Нехарошых.

29.01.2018 - 10:49

Да трэцяга кварталу 2018 года расійская карпарацыя «Технониколь» плануе адкрыць завод палімернай цеплаізаляцыі ў Асіповічах. Аб’ём інвестыцый складзе каля 840 млн. расійских рублёў, паведамілі ў прэс-службе кампаніі.

Вытворчасць размесціцца на тэрыторыі ЗТАА « Кровельный завод Технониколь», якое ўваходзіць у карпарацыю «Технониколь». На вытворчую магутнасць ў 360 тыс. куб. м прадпрыемства разлічвае выйсці да 2021 года.

24.01.2018 - 12:28

Судом Крычаўскага раёна разгледжана крымінальная справа па абвінавачванні выканальніка абавязкаў галоўнага бухгалтара ўстановы адукацыі «Крычаўскі дзяржаўны прафесійны агратэхнічны каледж» у здзяйсненні злачынства, прадугледжанага ч. 1 арт. 210 Крымінальнага кодэкса Рэспублікі Беларусь (крадзеж шляхам злоўжывання службовымі паўнамоцтвамі). Пра гэта паведаміў начальнік Крычаўскага міжраённага аддзела ўпраўлення Дэпартамента фінансавых расследаванняў Камітэта дзяржаўнага кантролю Рэспублікі Беларусь па Магілёўскай вобласці Сяргей Азаранка.

23.01.2018 - 15:05

Устанаўленне асобы і затрыманне падазраваемага ў здзяйсненні гвалтоўных дзеянняў сексуальнага характару ў дачыненні да непаўналетніх дзяўчынак у Краснапольскім раёне – гэта толькі пытанне часу. Такое меркаванне выказаў сёння ў час прэс-канферэнцыі начальнік УУС Магілёўскага аблвыканкама Аляксандр Кавальчук.

23.01.2018 - 14:05

Эксперымент па аб’яднанні функцый міліцыянераў у Глускім раёне дае станоўчыя вынікі. Пра гэта паведаміў сёння на прэс-канферэнцыі начальнік УУС Магілёўскага аблвыканкама Аляксандр Кавальчук.

22.01.2018 - 12:09

Чатыры пажары адбылося за выхадныя дні ў Магілёўскай вобласці. У ходзе аператыўнай работы ўдалося выратаваць два жылыя дамы, чатыры гаспадарчыя будынкі, паведаміла карэспандэнту сайта старшы інспектар Цэнтра бяспекі жыццядзейнасці і ўзаемадзеяння з грамадскасцю Магілёўскага абласнога ўпраўлення МНС Вольга Нехарошых.

20.01.2018 - 10:30

Выязны прыём грамадзян правядзе 25 студзеня з 11.00 да 13.00 у Клічаўскім райвыканкаме Міністр спорту і турызму Беларусі Аляксандр Ігаравіч Шамко. Запіс на прыём па тэлефоне (8-0223) 6-79-297.

18.01.2018 - 10:00

З 20 студзеня па 30 чэрвеня на палігоне «Асіповіцкі» будуць праходзіць баявыя стрэльбы артылерыйскіх падраздзяленняў Узброеных Сіл Рэспублікі Беларусь. Пра гэта паведаміў начальнік палігона вайсковай часці 12147 Андрэй Зацарынны.

Старонкі