Занятасць насельніцтва

Закон Рэспублікі Беларусь ад 15 чэрвеня 2006 года №125-3 «Аб занятасці насельніцтва Рэспублікі Беларусь»

Вакансіі па Магілёўскай вобласці

АГУЛЬНАРЭСПУБЛІКАНСКІ БАНК ВАКАНСІЙ. АКТУАЛЬНЫЯ ВАКАНСІІ І РЭЗЮМЭ

У 2021 годзе асноўнай задачай службы занятасці з’яўлялася максімальнае забеспячэнне занятасці тых грамадзян, хто меў патрэбу ў працаўладкаванні.

Вырашэнню дадзенай задачы спрыяла ў 2021 годзе прыкметнае павелічэнне попыту на працоўную сілу. Так, на канец 2021 года ў службу занятасці былі заяўленыя звесткі аб наяўнасці 9,4 тыс. вакансій, у параўнанні з пачаткам года іх колькасць павялічылася больш чым на 30%. На аднаго беспрацоўнага ўмоўна прыпадае больш за 11 вакансій. Сярод спецыялістаў найбольш запатрабаваныя інжынеры рознай спецыялізацыі, урачы-спецыялісты, медыцынскія сёстры, ветэрынарныя ўрачы, педагагічныя работнікі, бухгалтары, сярод працоўных: кіроўцы аўтамабіляў, швеі, прадаўцы, трактарысты, электраманцёры па рамонце і абслугоўванні электраабсталявання, слесары-рамонтнікі, повары, манцёры пуці, жывёлаводы, аператары машыннага даення.

На працягу 2021 года органы па працы, занятасці і сацыяльнай абароне цесна супрацоўнічалі з больш чым 1400 арганізацыямі ўсіх формаў уласнасці, з іх каля 35% – арганізацыі прыватнай формы ўласнасці.

У 2021 годзе ва ўпраўленні па працы, занятасці і сацыяльнай абароне гаррайвыканкамаў па садзейнічанне ў працаўладкаванні звярнулася 21,2 тыс. чалавек, з іх 10,3 тыс. чалавек атрымала статус беспрацоўнага.

Пры садзейнічанні службы занятасці ў 2021 годзе працаўладкавана 17 тыс. грамадзян, у тым ліку 7,4 тыс. беспрацоўных. Для арганізацыі ўласнай справы са сродкаў бюджэту дзяржаўнага пазабюджэтнага фонду сацыяльнай абароны насельніцтва Рэспублікі Беларусь 251 беспрацоўнаму выдадзеныя субсідыі. Арганізаваны аплатныя грамадскія працы, у якіх прынялі ўдзел 5,2 тыс. незанятых грамадзян.

Узровень зарэгістраваных беспрацоўных на 1 студзеня 2022 года ў цэлым па вобласці склаў 0,2% да колькасці працоўнай сілы.