Дзяржаўтаінспекцыя Магілёўскай вобласці да 30 верасня праводзіць комплекс прафілактычных мерапрыемстваў па папярэджанні дарожна-транспартных здарэнняў з удзелам пешаходаў і веласіпедыстаў. Пра гэта карэспандэнту сайта паведаміла інспектар аддзялення па агітацыі і прапагандзе ДАІ УУС Магілёўскага аблвыканкама Анастасія Дарашкова.

Абсалютныя пераможцы «Магілёўскага Мебелайн марафона» (MEBELAIN MARATHON) атрымаюць па Br2 тыс. Узнагароды ўручаць спартсмену і спартсменцы, якія з найлепшымі вынікамі пераадолеюць дыстанцыю 42 км 195 м, як паведаміў у час прэс-канферэнцыі старшы трэнер нацыянальнай каманды Рэспублікі Беларусь па лёгкай атлетыцы па Магілёўскай вобласці Дзмітрый Сівоў.

Больш за 2,1 тыс. новых кватэр пабудавана арганізацыямі ўсіх формаў уласнасці ў Магілёўскай вобласці за студзень-жнівень 2017 года. Пра гэта паведамілі ў галоўным статыстычным упраўленні рэгіёна.

За 8 месяцаў 2017 года суб’екты малога і сярэдняга бізнесу рэгіёна заплацілі Br227,9 млн., або 33% ад агульных паступленняў у бюджэт. Пра гэта карэспандэнту сайта паведамілі ў прэс-цэнтры інспекцыі МПЗ па Магілёўскай вобласці.

Выстава мэтра рэпартажнай фатаграфіі Мікалая Жалудовіча адкрыецца 25 верасня ў Магілёве ў кінатэатры «Чырвоная зорка».

На Нацыянальным прававым партале апублікаваны ўказ нумар 337 "Аб рэгуляванні дзейнасці фізічных асоб" ад 19 верасня 2017 года. Дакументам пашыраецца пералік відаў эканамічнай дзейнасці, якімі грамадзяне маюць права займацца без рэгістрацыі ў якасці індывідуальных прадпрымальнікаў пры ўмове выплаты адзінага падатку.

За 8 месяцаў 2017 года ў кансалідаваны бюджэт рэгіёна паступіла Br690,3 млн. Аб гэтым карэспандэнту сайта паведамілі ў прэс-цэнтры інспекцыі МПЗ па Магілёўскай вобласці.

Рассельгаснагляд зняў часовыя абмежаванні на пастаўкі мясной прадукцыі з трох беларускіх прадпрыемстваў, як інфармуе ТАСС.

Раство Прасвятой Багародзіцы сёння святкуюць праваслаўныя вернікі. Гэта адзін з дванадзясятых непераходзячых святаў Праваслаўнай царквы, устаноўлены ў гонар нараджэння прачыстай Дзевы Марыі.

Тры прадпрыемствы Магілёўскай вобласці ўвайшлі ў лік пераможцаў рэспубліканскага конкурсу «Найлепшая мэбля Беларусі-2017». Ушанаванне найлепшых адбылося ў Мінску.

Базавыя стаўкі адзінага падатку для відаў дзейнасці, якімі грамадзяне маюць права займацца без рэгістрацыі ў якасці індывідуальных прадпрымальнікаў дыферэнцыявалі па тыпах населеных пунктаў, як паведаміла намеснік начальніка галоўнага ўпраўлення – начальнік аддзела падаткаабкладання індывідуальных прадпрымальнікаў Міністэрства па падатках і зборах Таццяна Путрык.

Міжнародны музычны фестываль «Залаты шлягер» пройдзе ў Магілёве 22-29 кастрычніка. З праграмай мерапрыемства можна азнаёміцца на сайце абласной філармоніі..

Пытанні супрацоўніцтва абмеркавалі прадстаўнікі Магілёўскай і Усходне-Казахстанскай абласцей падчас вебінара, арганізаванага на базе Магілёўскага агенцтва рэгіянальнага развіцця. Мерапрыемства адбылося згодна папярэдніх дамоўленасцей, дасягнутых падчас сустрэчы на саміце губернатараў у рамках «Еўразійскага тыдня».

Прамую тэлефонную лінію правядзе 22 верасня выканаўца абавязкаў намесніка начальніка Магілёўскай мытні па праваахоўнай рабоце Ігар Мікалаевіч Балук. Пра гэта карэспандэнту сайта паведамілі ў прэс-службе ведамства.

Адзіны дзень інфармавання, які пройдзе 21 жніўня ў гарадах і раёнах Магілёўшчыны, будзе прысвечаны дзяржаўнай інфармацыйнай палітыцы ў Беларусі. Пра гэта карэспандэнту сайта паведамілі ў галоўным упраўленні ідэалагічнай работы, культуры і па справах моладзі аблвыканкама.

У Магілёве на адкрытай пляцоўцы Пячэрскага лесапарку 30 верасня адбудзецца маладзёжная патрыятычная прафарыентацыйная акцыя «Святая справа – Радзіме служыць!», як паведамілі ва УУС Магілёўскага аблвыканкама.

Парушанае з-за непагадзі электразабеспячэнне ў Мінскай і Магілёўскай абласцях адноўлена, як паведамілі ў ДВА «Белэнерга».

Каля 40 работ прадставіць мастак-авангардыст Ігар Бяспалаў на выставе ў Магілёўскім абласным драматычным тэатры. Экспазіцыя, прымеркаваная да 130-годдзя ўстановы культуры, адкрыецца сёння ў арт-фае ў 17.00.