грамадства

Па выніках працы за 2019 год у Магілёўскай вобласці забяспечана стабільнае функцыянаванне сістэмы сацабароны. Пра гэта паведаміла на выніковай калегіі Камітэта па працы, занятасці і сацыяльнай абароне аблвыканкама яго старшыня Святлана Тарасенка. На пасяджэнне былі запрошаныя намеснік міністра працы і сацыяльнай абароны Аляксандр Румак і намеснік старшыні аблвыканкама Валерый Малашка.

У Мінскім дзяржаўным лінгвістычным універсітэце адбылася калегія Міністэрства адукацыі Беларусі, дзе падвялі вынікі працы сістэмы за 2019 год.

Найлепшай установай агульнай сярэдняй адукацыі сельскай мясцовасці прызнаная Межысецкая сярэдняя школа (Магілёўскі раён).

Дванаццаць новых аўтамабіляў перадалі сёння прадстаўнікам падраздзяленняў ДТСААФ Магілёўскай вобласці. Аўтапарк папоўнілі легкавыя машыны Volkswagen Polo. Пра гэта карэспандэнту БелТА паведаміў старшыня абласной арганізацыйнай структуры ДТСААФ Аляксандр Мазур.

У Магілёўскім аблвыканкаме прайшла пазачарговая 19-я сесія Магілёўскага абласнога Савета дэпутатаў. Адной з падстаў сходу стала вызваленне старшыні Магілёўскага абласнога Савета дэпутатаў Дзмітрыя Харытончыка ад займаемай пасады ў сувязі з прызначэннем яго намеснікам міністра прамысловасці. Таксама аднагалосна было падтрымана рашэнне Дзмітрыя Іванавіча аб датэрміновымспыненні паўнамоцтваў дэпутата аблсавета дваццаць восьмага склікання па Юбілейнай выбарчай акрузе №36.

У Магілёўскім інстытуце МУС навучаюць мове жэстаў. Многім супрацоўнікам не раз даводзілася аказваць дапамогу людзям з парушэннямі слыху або дапытваць іх. Часам у такіх выпадках звяртаюцца да дапамогі сурдаперакладчыкаў, але іх не хапае – прыкладна па два ў кожным рэгіёне краіны.

Моўны курс працягваецца чатыры дні. Спачатку тэорыя: вывучаюць асаблівасці псіхалогіі і паводзін людзей, якія слаба чуюць. Затым пачынаецца практыка – дактыльны алфавіт і нацыянальная мова жэстаў –калі адным рухам можна растлумачыць цэлую фразу.

«У Новы год па “Добрай дарозе!”» – дэвіз чарговага Адзінага дня бяспекі дарожнага руху, які пройдзе па ўсёй рэспубліцы 31 студзеня і будзе накіраваны на прапаганду захавання ПДР усімі ўдзельнікамі дарожнага руху. Пра гэта паведамілі ў аддзяленні па агітацыі і прапагандзе ДАІ УУС Магілёўскага аблвыканкама.

Міністэрства архітэктуры і будаўніцтва зацвердзіла абноўленую інструкцыю аб выкарыстанні сямейнага капіталу для паляпшэння жыллёвых умоў. Адпаведная пастанова ведамства афіцыйна апублікавана на Нацыянальным прававым інтэрнэт-партале.

З 1 студзеня бягучага года сродкі сямейнага капіталу можна выкарыстоўваць датэрмінова на паляпшэнне жыллёвых умоў. З улікам гэтага Мінбудархітэктуры абнавіла інструкцыю, як выдаткаваць сямейны капітал на жыллё.

Фінал рэгіянальнага конкурсу «Педагог дадатковай адукацыі» сярод спецыялістаў устаноў дададукацыі дзяцей і моладзі адбудзецца 29 студзеня ў Магілёве на базе абласнога цэнтра творчасці.

Удзельнікамі спаборніцтва стане 15 канкурсантаў. Гэта пераможцы адборачнага і прамежкавага этапаў. У апошнім спаборнічала 25 спецыялістаў. Яны дэманстравалі відэазаняткі з навучэнцамі аб’яднання па інтарэсах і іх план-канспект, падавалі метадычную распрацоўку і відэаматэрыялы майстар-класа па кірунку дзейнасці, матэрыялы з вопыту работы.

Галоўная мэта працы Дзяржаўтаінспекцыі – захаваць жыцці людзей. На гэта звярнуў увагу начальнік УДАІ УУС Магілёўскага аблвыканкама палкоўнік міліцыі Вячаслаў Крылоў, падводзячы сёння вынікі дзейнасці падначаленай службы за 2019 год.

У Магілёве за мінулы год зарэгістравалі 1851 нованароджанага хлопчыка і крыху менш дзяўчынак – 1737. Самымі папулярнымі імёнамі для хлопчыкаў сталі Арцём, Максім, Міхаіл, Цімафей, Мацвей, Аляксандр, Данііл, Марк, Іван і Мікіта. У топ-дзясятку папулярных жаночых імёнаў у абласным цэнтры ўпершыню ўвайшла Аляксандра. Аднак абсалютнымі лідарамі гэтага спісу не першы год застаюцца Сафія і Соф’я. Далей –Ксенія, Ева, Аліса, Варвара, Дар’я, Ганна, Марыя, Алясандра і Мілана.

Падзяка Прэзідэнта Рэспублікі Беларусь аб’яўлена 13 прадстаўнікам розных сфер дзейнасці. Адпаведнае распараджэнне падпісаў кіраўнік дзяржавы Аляксандр Лукашэнка, паведамілі ў прэс-службе беларускага лідара.

У Магілёве будуць добраўпарадкоўваць раён ракі Дубравенкі. Праект уключаны ў праграму гарадскога і абласнога бюджэтаў.

Тут плануецца прывесці ў парадак каля 10 га тэрыторыі, пакласці каля 5 тыс. кв. м тратуарнай пліткі, высадзіць каля 500 дрэў. З’явяцца таксама альтанкі і фантаны. Акрамя таго, ёсць намеры пабудаваць прычал і вялікую лесвіцу ў раёне пл. Арджанікідзэ–вул. Чалюскінцаў.

Галоўным рэдактарам інфармацыйнага агенцтва «Магілёўскія ведамасці» прызначана Ірына Петрусевіч. Пра гэта паведаміла начальнік галоўнага ўпраўлення ідэалагічнай работы і па справах моладзі аблвыканкама Кацярына Музычэнка.

Аўтапарк Магілёўскага абласнога ўпраўлення Дэпартамента аховы МУС папоўніўся 12 новымі службовымі аўтамабілямі. Цырымонія ўручэння ключоў ад машын кіраўнікам падраздзяленняў адбылася 20 студзеня.

Прамую тэлефонную лінію па пытаннях абмену імянных прыватызацыйных чэкаў «Маёмасць» на акцыі адкрытых акцыянерных таварыстваў, продажу дзяржаўнай нерухомай маёмасці (акрамя жылых памяшканняў) і акцый на аўкцыёнах і па конкурсе, арэнды аб’ектаў дзяржаўнай нерухомасці правядзе 31 студзеня старшыня камітэта «Магілёўаблмаёмасць» Алег Уладзіміравіч Мякінькі.

Задаць пытанні можна будзе з 14.00 да 16.00 па тэл. (80222) 74-17-70, (+375) 29-733-09-25.

Прамую тэлефонную лінію правядзе 18 студзеня намеснік старшыні Магілёўскага аблвыканкама Руслан Віктаравіч Пархамовіч. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.

Рэспубліканская акцыя «Бяспека – у кожны дом!» пройдзе ў рэгіёне з 20 студзеня па 20 лютага. Пра гэта паведаміла старшы інспектар абласнога ўпраўлення МНС Вольга Нядобрых.

Выязны прыём грамадзян, іх прадстаўнікоў, прадстаўнікоў юрыдычных асоб 22 студзеня з 11.00 да 13.00 правядзе дырэктар Рэспубліканскага цэнтра па аздараўленні і санаторна-курортным лячэнні насельніцтва Генадзь Мікалаевіч Балбатоўскі.

Папярэдні запіс на асабісты прыём ажыццяўляецца па тэлефоне (80222) 23 02 55.

Магілёўскай вобласці да 2025 года плануецца ўвесці ў эксплуатацыю 216 станцый абезжалезвання вады, у тым ліку ў 2020-м – 50. Пра гэта паведаміў сёння на прэс-канферэнцыі кіраўнік рэгіёна Леанід Заяц.

У прыватнасці, толькі ў Бялыніцкім раёне ў бягучым годзе маюць намер пабудаваць 2 станцыі, а ўсяго да 2025-га – 13.

Семінар-практыкум для старшынь райвыканкамаў Магілёўскай вобласці адбудзецца 13–17 студзеня ў Чавускім раёне на базе спартыўна-аздараўленчага цэнтра «Рудзея». Пра гэта паведаміў галоўны спецыяліст упраўлення па рабоце з кадрамі галоўнага ўпраўлення арганізацыйна-кадравай працы аблвыканкама Дзмітрый Пярмінаў.