навiна дня

У горадзе на Дняпры сёння прайшла інфармацыйная сустрэча «Супрацоўніцтва ЕС–Беларусь: Магілёўская вобласць». Абмяркоўваліся дзелавыя кантакты паміж нашай краінай і Еўрасаюзам і, вядома, мясцовыя ініцыятывы ў самых розных сферах.

У Магілёўскім раёне 3 лютага выязны прыём грамадзян, іх прадстаўнікоў, прадстаўнікоў юрыдычных асоб правядзе старшыня абласнога выканаўчага камітэта Леанід Канстанцінавіч Заяц.

Пачатак прыёму–10.00.

Месца правядзення: адміністрацыйны будынак «Агракамбінат “Зара”» (аг. Рэчкі, 2-і паверх, зала пасяджэнняў).

Папярэдні запіс на асабісты прыём ажыццяўляецца па тэлефонах: (80222) 42 30 26, 42 30 33.

Удзельнікаў інтэрнацыянальнага «Зорнага паходу», прысвечанага 75-годдзю Перамогі ў Вялікай Айчыннай вайне, прымае Асіповіцкі раён. Зводны атрад Беларускага дзяржаўнага педагагічнага ўніверсітэта імя Максіма Танка ўжо прыбыў у наш рэгіён.

Прамую тэлефонную лінію правядзе 1 лютага першы намеснік старшыні аблвыканкама – Васіль Іванавіч Акуліч. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.

Клініка-дыягнастычная лабараторыя Махаўскай амбулаторыі агульнай практыкі адкрылася сёння ў Магілёўскім раёне. Зараз пацыенты медустановы (а гэта больш за 1420 чалавек з 23 населеных пунктаў) змогуць здаць тут асноўныя аналізы.

Больш за 500 удзельнікаў збярэ XV абласная зімовая спартакіяда работнікаў АПК, якая пройдзе ў аграгарадку Усход Магілёўскага раёна 24–25 студзеня. Пра гэта паведамілі ў абласной арганізацыі Беларускага прафсаюза работнікаў АПК.

У азнаменаванне пачатку будаўніцтва кардыяхірургічнага корпуса Магілёўскай абласной бальніцы заклалі капсулу з пасланнем будучым пакаленням у першы камень падмурка. Ускрыць яе плануюць 30 сакавіка 2071 года ў гонар 100-годдзя бальніцы.

Ордэнам Маці за нараджэнне і выхаванне пяці і больш дзяцей узнагароджана 29 жыхарак Віцебскай, Гродзенскай і Магілёўскай абласцей. Адпаведны ўказ падпісаў Прэзідэнт Беларусі Аляксандр Лукашэнка, паведамілі ў прэс-службе кіраўніка дзяржавы.У ліку ўзнагароджаных 22 жыхаркі Прыдняпроўскага краю.

Прамую тэлефонную лінію правядзе 25 студзеня намеснік старшыні Магілёўскага аблвыканкама Валерый Анатольевіч Малашка. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.

Магілёўская вобласць плануе наладжваць з Японіяй бізнес-кантакты і развіваць эканамічную сферу. Такія намеры выказалі сёння падчас сустрэчы старшыня Магілёўскага аблвыканкама Леанід Заяц і Надзвычайны і Паўнамоцны пасол Японіі ў Беларусі Такунага Хірокі.

Напярэдадні 75-годдзя Перамогі савецкага народа ў Вялікай Айчыннай вайне па ініцыятыве галоўнага ўпраўлення ідэалагічнай работы і па справах моладзі аблвыканкама распрацаваны дадатак «Аб’яднаны банк даных пра абаронцаў Айчыны, загінулых і пахаваных на тэрыторыі Магілёўскай вобласці».

У дзень стварэння Магілёўскай вобласці кіраўнік рэгіёна Леанід Заяц правёў прэс-канферэнцыю для журналістаў рэспубліканскіх і рэгіянальных СМІ. Размова ішла аб дасягненнях і планах на найбліжэйшую перспектыву.  

Конкурс інвестыцыйных праектаў суб’ектаў малога прадпрымальніцтва Магілёўскай вобласці абвешчаны ў рэгіёне. Пра гэта паведамілі ў камітэце эканомікі аблвыканкама.

Адзіны дзень інфармавання, які пройдзе 16 студзеня ў гарадах і раёнах Магілёўскай вобласці, будзе прысвечаны занятасці і заработнай плаце насельніцтва ў Рэспубліцы Беларусь.

У Магілёве стартаваў трэці этап рэспубліканскай алімпіяды па вучэбных прадметах. Урачыстае адкрыццё інтэлектуальнага спаборніцтва адбылося сёння ў абласным цэнтры творчасці.

У прыватнасці, ордэнам Пашаны ўзнагароджаны старшы электрамеханік па абслугоўванні і рамонце прылад чыгуначнай аўтаматыкі і тэлемеханікі Асіповіцкай дыстанцыі сігналізацыі і сувязі Магілёўскага аддзялення Беларускай чыгункі Пётр Панасюк.

Трэці этап рэспубліканскай алімпіяды па вучэбных прадметах пройдзе з 13 па 17 студзеня ў Магілёве. Удзел у інтэлектуальных спаборніцтвах прыме каля 980 навучэнцаў 8–11 класаў устаноў агульнай сярэдняй адукацыі, а таксама ўстаноў прафесійна-тэхнічнай і сярэдняй спецыяльнай адукацыі з усяго рэгіёна.  

Дзіцячы дом сямейнага тыпу адкрылі сёння ў Бабруйску. Шчаслівай уладальніцай новых квадратных метраў стала сям’я Таццяны і Мікалая Парфёнавых. Зараз у іх сям’і выхоўваецца 9 дзяцей: 4 сваіх і 5 прыёмных.

Прамую тэлефонную лінію правядзе 11 студзеня намеснік старшыні Магілёўскага аблвыканкама Руслан Барысавіч Страхар. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.

У Магілёўскім абласным драматычным тэатры адбылася першая прэс-канферэнцыя, прысвечаная ХV Міжнароднаму моладзеваму тэатральнаму форуму «M.@rt.контакт-2020».