спорт

На чэмпіянаце Еўропы па біятлоне ў «Раўбічах» завяршылася кваліфікацыя жаночага суперспрынту. Дзінара Алімбекава, выкарыстаўшы адзін дадатковы патрон, пераадолела дыстанцыю за 9,42 хвіліны і паказала найлепшы вынік у гонцы. На другім месцы адборачны этап завяршыла ўкраінка Валя Семярэнка, замкнула тройку лідараў Элізабэт Оберг.

У Магілёўскім спарткомплексе «Алімпіец» завяршыўся адкрыты чэмпіянат Беларусі па лёгкай атлетыцы ў памяшканні. Спартсмены Прыдняпроўскага краю паказалі годныя вынікі, вартыя самай пільнай увагі і высокай ацэнкі з боку Беларускай федэрацыі лёгкай атлетыкі.

У скарбонцы магілёўцаў – 12 залатых, 6 срэбраных, 1 бронзавая ўзнагарода. Спартсмены зарабілі 300,5 бала, тым самым забяспечыўшы сабе першае месца ў агульнакамандным заліку.

Вось яны – чэмпіёны краіны:

Магіляўчан запрашаюць на адкрыты фестываль ёгі. Мерапрыемства пройдзе 29 лютага на базе фізкультурна-аздараўленчага комплексу «Спутник» (вул. Якубоўскага, 20). Пра гэта паведамілі ў аддзеле спорту і турызму гарадскога выканаўчага камітэта.

Бясплатныя заняткі для прыхільнікаў здаровага ладу жыцця і аматараў спорту правядуць найлепшыя інструктары ёгі Магілёва. Праграмай мерапрыемства таксама запланаваны майстар-класы па розных кірунках.

ХІ адкрыты рэспубліканскі турнір па боксе памяці заслужанага трэнера Рэспублікі Беларусь Генрыха Рыўкіна пройдзе ў Магілёве з 25 па 29 лютага. Пра гэта паведамілі ва ўпраўленні спорту і турызму Магілёўскага аблвыканкама.

У спрэчцы за ўзнагароды будуць удзельнічаць атлеты 2004–2005 гадоў нараджэння з Беларусі, Латвіі, Літвы, Расіі і Украіны. Старты адбудуцца ў Доме спорту (пр-т Міру, 8).

Ванэса Каладзінская (вагавая катэгорыя 53 кг) заваявала залаты медаль чэмпіянату Еўропы па барацьбе ў італьянскім Рыме.

У фінальным паядынку беларуска аказалася мацнейшай за спартсменку з Нідэрландаў Есіка Бласка. На трэцяй пазіцыі выніковага пратакола размясціліся расіянка Стальвіра Аршуш і немка Аніка Вендле.

Беларуска Ірына Курачкіна (57 кг) стала трэцяй на гэтым турніры.

Адкрыты традыцыйны рэспубліканскі турнір па спартыўнай акрабатыцы «Кіндар-сюрпрыз» пройдзе 2–7 сакавіка ў Палацы гімнастыкі Магілёва. Пра гэта паведамілі ў гарадской СДЮШАР «Багіма» імя А. Г. Мішчанкі.

Спаборніцтвы XIV зімовай Рэспубліканскай галіновай спартакіяды, удзел у якіх маглі прымаць і прадстаўнікі іншых галін, якія аб’ядноўваюцца Беларускім прафсаюзам работнікаў мясцовай прамысловасці і камунальна-бытавых прадпрыемстваў, праводзіліся ў Мінскай вобласці на базе санаторыя «Нарачанка».

Ва ўрачыстых цырымоніях адкрыцця і закрыцця спартакіяды прыняў удзел першы намеснік міністра жыллёва-камунальнай гаспадаркі Рэспублікі Беларусь Генадзь Трубіла.

У дварах дамоў 74 і 78 на праспекце Будаўнікоў вядзецца будаўніцтва хакейнай каробкі, якую ўзводзяць па ініцыятыве мясцовых жыхароў з удзелам сямі бабруйскіх спажывецкіх жыллёва-будаўнічых кааператываў.

Больш за 300 удзельнікаў, якія прадстаўлялі 24 каманды працоўных калектываў прадпрыемстваў жыллёва-камунальнай гаспадаркі, прынялі ўдзел у XIV зімовай спартакіядзе Магілёўскай абласной арганізацыі Беларускага прафсаюза работнікаў мясцовай прамысловасці і камунальна-бытавых прадпрыемстваў.

Ва ўрачыстай цырымоніі адкрыцця спартыўнай падзеі, якая прайшла на базе спарткомплексу Магілёўскага дзяржаўнага ўніверсітэта харчавання, прыняла ўдзел намеснік старшыні абласнога аб’яднання прафсаюзаў Таццяна Марачкава.

Па выніках паўгоддзя Магілёўшчына – сярод прызёраў па 18 відах спорту, прадстаўленых у рэспубліканскай спартакіядзе школьнікаў.

Спаборніцтвы – свайго роду агляд магчымасцей навучэнцаў і адбор спартыўнага рэзерву для важных спартыўных спаборніцтваў.

Улады Магілёва прынялі пастанову аб стварэнні новага футбольнага клуба, які будзе прадстаўляць горад на рэспубліканскіх спаборніцтвах, паведамляе прэс-служба каманды.

Адкрыты XXVII традыцыйны турнір па дзюдо памяці воіна-інтэрнацыяналіста Героя Савецкага Саюза Андрэя Мельнікава ў праграме адкрытага першынства Беларусі пройдзе 16–18 студзеня ў Магілёве. Пра гэта паведамілі ва ўпраўленні спорту і турызму аблвыканкама.

Турнір збярэ ў зале гульнявых відаў спартыўнага комплексу «Алімпіец» больш за 100 спартсменаў 2000–2002 года нараджэння з усіх рэгіёнаў краіны.

Пажарныя-ратавальнікі разыграюць Кубак старшыні Бабруйскага гарадскога выканаўчага камітэта. Штогадовы адкрыты турнір стартуе 15 студзеня ў горадзе на Бярэзіне, паведамілі ў Бабруйскім гаррайаддзеле па надзвычайных сітуацыях.

Плануецца, што за тытул пераможцы пазмагаецца 12 каманд, восем з якіх – прадстаўнікі МНС Беларусі, а чатыры – калегі з блізкага замежжа: Эстоніі, Латвіі, Польшчы, Расіі.

У беларускай лёгкай атлетыцы назвалі найлепшых спартсменаў мінулага сезона. Традыцыйная цырымонія ўручэння бронзавых спартыўных «Оскараў» – прэміі «Атлетыка» – адбылася ў сталіцы ўжо шостым разам.

Пяць беларусак, паводле інфармацыі Міжнароднай асацыяцыі лёгкаатлетычных федэрацый (World Athletics), уключаны ў сусветную эліту жанчын-марафонцаў. Сярод іх прадстаўніцы Магілёўскай вобласці Ніна Савіна і Кацярына Карніенка.

Крытый воздухоопорный футбольный манеж открыли сегодня в Могилеве на базе СДЮШОР №7.

Вызначана найлепшая дзясятка спартсменаў Магілёўскай вобласці па выніках выступленняў на афіцыйных міжнародных спаборніцтвах у 2019 годзе. У яе ўвайшлі тыя, хто паспяхова выступіў на чэмпіянатах свету, Еўрапейскіх гульнях, паведамілі ва ўпраўленні спорту і турызму аблвыканкама.

«Гэта прадстаўнікі розных відаў спорту, параўноўваць вынікі якіх складана, таму тут няма размеркавання месцаў з першага па апошняе – усе вартыя і расстаўленыя не па сабраным медальным ураджаі, а па алфавіце», – удакладнілі суразмоўцы.

Шорт-трэк з поспехам развіваюць у Лядовым палацы Шклова. Мясцовыя юніёры ўжо перамагалі на этапах кубках свету і Еўропы.

Шорт-трэк пачалі развіваць на магілёўскім стадыёне «Тарпеда» ў 1990-х. Але база для гэтага віду спорту з’явілася толькі 3 гады таму. Калі пабудавалі лядовую арэну ў Шклове, вырашылі: трэніравацца тут будуць не толькі хакеісты.

У Горках прайшлі абласныя фінальныя спаборніцтвы сярод дзяцей і падлеткаў па хакеі «Залатая шайба» на прызы Прэзідэнта Рэспублікі Беларусь. 

У Эйлаце (Ізраіль) прайшло першынство Еўропы па цяжкай атлетыцы. Магілёвец Сяргей Шаранкоў выйграў залаты медаль сярод юнакоў да 15 і 17 гадоў у вагавой катэгорыі 89 кг з вынікам 357 кг (165 + 192) у суме дваябор’я. У рыўку ў першай спробе наш атлет без цяжкасці вырваў штангу вагой 155 кг. У другім падыходзе Сяргею скарыліся 162 кг. У трэцім падыходзе юнак упэўнена справіўся з вагой 165 кг.