Рус Бел Eng 中文

рэгіёны Subscribe to RSS - рэгіёны

19.09.2018 - 15:40

У мэтах аховы рыбных рэсурсаў з 20 верасня па 10 кастрычніка на Чыгірынскім вадасховішчы Быхаўскага раёна будзе абмежавана аматарскае рыбалоўства, паведаміла спецыяліст па сувязях з грамадскасцю Дзяржаўнай інспекцыі аховы жывёльнага і расліннага свету пры Прэзідэнце Вольга Грамовіч.

З 20 верасня РУП «Магілёўэнерга» правядзе рамонтныя работы падводнай часткі гідратэхнічнага збудавання Чыгірынскай гідраэлектрастанцыі. Пры гэтым часткова спусцяць Чыгірынскае вадасховішча. Яго ўзровень знізіцца на 0,5 м.

19.09.2018 - 11:14

Аграсядзіба «Шэрая шыйка» (Магілёўскі раён) 23 верасня стане цэнтрам правядзення рэспубліканскага фестывалю з удзелам пажылых людзей «Крэатыўны ўзрост» у Магілёўскай вобласці. Пра гэта паведамілі ў Беларускім грамадскім аб’яднанні «Адпачынак у вёсцы».

17.09.2018 - 11:44

Два дарожна-транспартныя здарэнні, у якіх загінулі людзі, адбыліся ў мінулую пятніцу і суботу ў Магілёўскай вобласці. Пра гэта паведаміла афіцыйны прадстаўнік УСК па Магілёўскай вобласці Аксана Салянюк.

Так, увечары 14 верасня на аўтадарозе каля вёскі Княжыцы Магілёўскага раёна адбылося ДТЗ з удзелам матацыкла, у якім загінулі два чалавекі.

14.09.2018 - 08:32

Клічаў стане апошнім горадам Магілёўскай вобласці, дзе ў гэтым годзе пройдзе рэспубліканская народна-патрыятычная акцыя Федэрацыі прафсаюзаў «Мы – разам!». Бясплатны канцэрт для жыхароў і гасцей раённага цэнтра з удзелам зорак беларускай эстрады і пераможцаў прафсаюзнага конкурсу «Новыя імёны Беларусі» адбудзецца 15 верасня ў 16.00 на цэнтральнай пляцоўцы.

14.09.2018 - 08:27

Магілёўскі міжраённы аддзел Следчага камітэта праводзіць праверку па факце абвальвання на дзіця спрэсаванага грунту пад апорай моста ў Магілёўскім раёне, паведаміла афіцыйны прадстаўнік УСК па Магілёўскай вобласці Аксана Салянюк.

Інцыдэнт адбыўся 6 верасня. 13-гадовы хлопчык нейкім прадметам збіваў спрасаваны грунт з апор моста. У нейкі момант яго частка адвалілася і прыціснула дзіця.

12.09.2018 - 10:20

Малюнак сойкі памерам з пяціпавярховы дом з’явіўся ў цэнтры Клічава. Райцэнтр стаў першым горадам у Магілёўскай вобласці, які далучыўся да праекта «Ахова птушак Бацькаўшчыны».

11.09.2018 - 11:13

Двух грыбнікоў, якія заблудзіліся, знайшлі ў Горацкім раёне за мінулыя суткі. Пра гэта паведамілі карэспандэнту сайта ў абласным упраўленні МНС.

Выратавальнікам у 16.18 паступіў званок аб неабходнасці пошукаў дзвюх жанчын у лесе каля вёскі Казлы. Высветлілася, што трыма гадзінамі раней яны пайшлі ў грыбы і згубіліся. На пошукі выехалі работнікі МНС і РАУС. У 17.26 жанчыны выйшлі на гук аўтацыстэрны, у медыцынскай дапамозе не мелі патрэбу.

07.09.2018 - 10:47

За суткі ў лясах Магілёўскай вобласці прапала двое мужчын. Пра гэта карэспандэнту сайта паведаміла старшы інспектар Цэнтра бяспекі жыццядзейнасці і ўзаемадзеяння з грамадскасцю Магілёўскага абласнога ўпраўлення МНС Вольга Нехарошых.

Так, 6 верасня ў лясным масіве каля в. Гарохаўка Бабруйскага раёна згубіўся 29-гадовы хлопец. Для пошукавых работ былі задзейнічаны супрацоўнікі МУС і работнікі МНС. Зніклы пакуль не знойдзены, пошукі будуць працягнуты сёння.

03.09.2018 - 15:23

Выстава-продаж тэхнікі і маёмасці ўпраўлення сувязі Генеральнага штаба Узброеных Сіл, прадстаўленых на рэалізацыю ў 2018 годзе праз упаўнаважаную арганізацыю – гандлёва-вытворчае рэспубліканскае ўнітарнае прадпрыемства «Белспецкантракт», пройдзе 19 верасня ў вайсковай частцы 01313 па адрасе: Магілёўская вобласць, г. Асіповічы, вул Касмічная, 50, тэлефон 8(02235)70541.

03.09.2018 - 10:32

Больш за 20 першасных прафсаюзных арганізацый Чавускага раёна сумесна з наймальнікамі прыняло актыўны ўдзел у аказанні дапамогі па падрыхтоўцы дзяцей да новага 2018-2019 навучальнага года. Пра гэта расказала старшыня раённай арганізацыі прафсаюза работнікаў адукацыі і навукі Святлана Магілевіч.

Дапамога аказвалася сем’ям, якія выхоўваюць школьнікаў, у ліпені-жніўні 2018 года ў рамках правядзення акцый «Прафсаюзы – дзецям», «У школу – з радасцю!».

01.09.2018 - 12:02

Прэзідэнт Беларусі Аляксандр Лукашэнка, наведваючы 1 верасня Александрыйскую сярэднюю школу Шклоўскага раёна, падарыў установе комплекс спартыўных трэнажораў.

Комплекс складаецца са снарадаў варкаўта і некалькіх трэнажораў. Яны прызначаны для развіцця мышцаў ног, спіны, грудзей, рук і прэса, умацавання суставаў і паясніцы, павелічэння эластычнасці злучальных тканак.

30.08.2018 - 14:37

У сярэдняй школе №8 Крычава ўсталёўваюць сонечную аўтаномную фотаэлектрычную станцыю. Пра гэта паведамілі ў Магілёўскім абласным упраўленні па наглядзе за рацыянальным выкарыстаннем ПЭР.

«Сучасная станцыя магутнасцю 6 кВт дазволіць забяспечыць вулічнае асвятленне школы ўласнай электрычнай энергіяй», – падкрэслілі суразмоўцы.

30.08.2018 - 10:29

Беларуская чыгунка падвяла вынікі штогадовага рэспубліканскага агляду санітарнага стану і добраўпарадкавання чыгуначных вакзалаў, паведамілі ў прэс-цэнтры БЧ.

У аглядзе прымалі ўдзел пазакласныя вакзалы, а таксама вакзалы I, II і III класаў. Так, пераможцам сярод вакзалаў III класа прызнаны вакзал станцыі Крычаў.

29.08.2018 - 10:03

Пасажырскі цягнік і легкавы аўтамабіль сутыкнуліся ў Бабруйскім раёне. Пра гэта карэспандэнту сайта паведаміла старшы інспектар Цэнтра бяспекі жыццядзейнасці і ўзаемадзеяння з грамадскасцю Магілёўскага абласнога ўпраўлення МНС Вольга Нехарошых.

27.08.2018 - 14:25

Горад Горкі літаральна патанаў у кветках: тут прайшоў VI конкурс прафесійнага майстэрства «Магілёўскі майстар – 2018» па прафесіі рабочы зялёнага будаўніцтва. Удзельнікі творчага спаборніцтва падарылі гараджанам 18 дэкаратыўных кветнікаў і кветкавых кампазіцый.

27.08.2018 - 11:44

Прыём грамадзян і прамую тэлефонную лінію правядзе 29 жніўня ў Кіраўску старшыня Камітэта дзяржаўнага кантролю Магілёўскай вобласці Алег Віктаравіч Садоўскі.

Ва ўказаны дзень з 12.00 да 13.00 жыхары Кіраўскага раёна змогуць задаць свае пытанні, а таксама паведаміць аб актуальных праблемах развіцця рэгіёна, парушэннях у працы службовых асоб органаў улады і арганізацый па тэлефоне 79-1-10.

З 14.00 да 15.00 у кабінеце №31 мясцовага райвыканкама адбудзецца прыём грамадзян.

24.08.2018 - 08:31

Турыстычны злёт работнікаў Магілёўскага аблвыканкама, яго структурных падраздзяленняў, сілавых структур і ведамстваў, пракуратуры, а таксама шэрагу іншых арганізацый рэгіёна, якія ўваходзяць у прафсаюз работнікаў дзяржаўных устаноў, пройдзе з 24 па 26 жніўня ў Чавускім раёне на базе спартыўна-аздараўленчага цэнтра «Рудэя». За прызавыя месцы будзе змагацца каля 200 чалавек у складзе 10 каманд.

23.08.2018 - 12:25

Прафсаюзная народна-патрыятычная акцыя «Мы – разам!» збярэ 24 жніўня ў Глуску амаль 700 гледачоў. Мерапрыемства стартуе ў 18.00 на цэнтральным стадыёне райцэнтра і будзе ўключаць выступленне вядомых эстрадных артыстаў і фіналістаў рэспубліканскага прафсаюзнага конкурсу «Новыя імёны Беларусі», а таксама ўшанаванне заслужаных працоўных дынастый раёна.

20.08.2018 - 12:21

У Кіраўскім раёне ратавальнікі знайшлі мужчыну, які заблудзіўся ў лесе, як паведамілі ў МНС.

Знаёмая мужчыны 19 жніўня ў 21.57 паведаміла ў МНС аб тым, што ён згубіўся ў лесе ў в. Скачок. «Для пошукаў былі задзейнічаны супрацоўнікі РАУС і ратавальнікі з сабакамі Рэспубліканскага атрада спецыяльнага прызначэння МНС. Прыкладна ў 5.00 мужчына быў знойдзены пры абследаванні лесу. Яго стан здавальняльны, у медыцынскай дапамозе ён не меў патрэбы», – заўважылі ў МНС.

17.08.2018 - 12:52

Свята «Дзень земляка» і спаборніцтвы па лоўлі рыбы «Кубак Замкавай гары» пройдуць у аграгарадку Горы Горацкага раёна на выхадных. Пра гэта паведамілі ў райвыканкаме.

Старонкі