Архіў - 2019

Штогод амаль тысячу маладых спецыялістаў выпускаюць са сцен Горацкай сельгасакадэміі. Рыхтуюць кадры для сяла і многія іншыя навучальныя ўстановы па ўсёй краіне. Але чаму гарантый на прыжывальнасць спецыялістаў на вёсцы не даюць часам нават 1000-рублёвыя зарплаты? Пра гэта – чарговы выпуск спецыяльнага праекта Агенцтва тэленавін, які выйшаў у эфіры канала «Беларусь 1».

Камітэтам дзяржаўнага кантролю Магілёўскай вобласці 24 верасня будзе праводзіцца «гарачая лінія» на тэму «Аб гатоўнасці аб’ектаў жыллёва-камунальнай гаспадаркі, сацыяльнага, культурна-бытавога, вытворчага і іншага прызначэння да працы ў асенне-зімовым перыядзе 2019/2020 года».

Магілёўскай вобласці цікавы латвійскі вопыт падтрымкі рэгіянальных ініцыятыў. На гэта звярнуў увагу старшыня Магілёўскага абласнога Савета дэпутатаў Дзмітрый Харытончык падчас сустрэчы са старшынёй Валкскай краёвай думы, старшынёй праўлення латвійскіх рэгіянальных цэнтраў развіцця Вентсам Армандсам Краўклісам.

Чэшская рэспубліка мае намер паглыбляць эканамічнае супрацоўніцтва з Магілёўскай вобласцю. На гэта звярнуў увагу Надзвычайны і Паўнамоцны Пасол Чэшскай Рэспублікі ў Рэспубліцы Беларусь Томаш Перніцкі падчас афіцыйнай сустрэчы са старшынёй Магілёўскага аблвыканкама Леанідам Зайцам.

Практыку правядзення бясплатных прававых прыёмаў адновяць прафсаюзныя юрысты пасля летняга перапынку. Так, чарговыя прававыя кансультацыі грамадзян адбудуцца ў чацвер 19 верасня. Яны пройдуць практычна ва ўсіх раённых цэнтрах Магілёўскай вобласці.

Памочнік Прэзідэнта Рэспублікі Беларусь – інспектар па Магілёўскай вобласці Міхаіл Іванавіч Русы 20 верасня з 10.00 будзе праводзіць прыём грамадзян, іх прадстаўнікоў, прадстаўнікоў юрыдычных асоб у Слаўгарадскім раённым выканаўчым камітэце.

Папярэдні запіс на прыём ажыццяўляецца па тэлефонах (80224) 679 685, (80224) 679 625.

Новыя адрыны для вырошчвання маладняку ў Бялыніцкім ААТ «Аграсэрвіс» з выгляду прымітыўныя: дашчаныя сцены, пабудовы значна ніжэйшыя за жалезабетонныя аналагі на малочна-таварным комплексе па суседстве. Але ўсё тут па-гаспадарску: сухая падсцілка і ў стойлах, і ў загонах, поўныя кармушкі.

Дзень культуры Японіі адзначаць у Магілёве 18 верасня. Мерапрыемства ў межах 7-га фестывалю «Японская восень у Беларусі-2019» пройдзе на базе Магілёўскай абласной бібліятэкі імя У. І. Леніна.

Магілёўскія энергетыкі завяршаюць падрыхтоўку да зімы цеплакрыніц і цепласетак. Якасна забяспечыць бесперабойную працу спажыўцоў цеплавой энергіяй у асенне-зімовы перыяд дазволіць вытворчасць работ па будаўніцтве, рэканструкцыі, планавых рамонтах, тэхабслугоўванні абсталявання Магілёўскай ЦЭЦ-1, Магілёўскай ЦЭЦ-3 і цеплавых сетак, паведамілі ў адміністрацыі філіяла «Магілёўскія цеплавыя сеткі» РУП «Магілёўэнерга».

Дні адчыненых дзвярэй адбудуцца ў Магілёўскім інстытуце МУС (вул. Крупскай, 67) 20 і 27 верасня а 15.00. Пра гэта паведамілі ў адміністрацыі ВНУ.

Забарона на наведванне лясоў цалкам знята ў Магілёўскай вобласці. Гэтаму паспрыялі зніжэнне тэмператур паветра і мінулыя дажджы, якія знізілі клас пажарнай небяспекі, паведамляецца на сайце Міністэрства лясной гаспадаркі.

У вёсцы Паляткі Краснапольскага раёна сёлета пайшлі на эксперымент і пасеялі поле сланечнікаў.

Слухачы Акадэміі кіравання пры Прэзідэнце Беларусі змогуць праходзіць стажыроўку ў дзяржаўных органах і арганізацыях. Аб гэтым журналістам паведаміў рэктар ВНУ Генадзь Пальчык.

У Бабруйску 21 верасня пройдзе сямейны парад-конкурс на арыгінальна аформленую дзіцячую каляску або веласіпед, паведамілі ў гарвыканкаме. Мерапрыемства прымяркуюць да свята Нараджэння Найсвяцейшай Багародзіцы.

Магілёўская вобласць і кітайская правінцыя Цзянсу маюць намер пашыраць і паглыбляць сферы супрацоўніцтва. Перспектыўныя прапановы па далейшым развіцці дружалюбных і партнёрствах адносін абмяркоўвалі сёння намеснік старшыні аблвыканкама Руслан Страхар і першы намеснік старшыні пастаяннага камітэта Сходу народных прадстаўнікоў правінцыі Цзянсу Чэнь Чжэньнін.

Жыхарам Магілёўшчыны прапануюць далучыцца да міжнароднай акцыі «Дзень без аўтамабіля». У суботу, 22 верасня, абласны камітэт прыродных рэсурсаў і аховы навакольнага асяроддзя заклікае насельніцтва рэгіёна пакінуць аўтамабілі на стаянках і перасесці на грамадскі транспарт або веласіпед.

Каманда работнікаў сістэмы культуры Магілёўскай вобласці заняла 3 месца ў рэспубліканскай профільнай спартакіядзе.

Парламент павінен прадстаўляць усе слаі беларускага грамадства. Аб гэтым Прэзідэнт Беларусі Аляксандр Лукашэнка заявіў сёння на сустрэчы са старшынёй Палаты прадстаўнікоў Уладзімірам Андрэйчанкам.

Па стане на раніцу 16 верасня ў акруговыя выбарчыя камісіі Магілёўскай вобласці ад асоб, якія маюць намер вылучыцца кандыдатам у дэпутаты Палаты прадстаўнікоў Нацыянальнага сходу Рэспублікі Беларусь сёмага склікання, паступіла 68 заяў на рэгістрацыю ініцыятыўных груп. Пра гэта паведаміў старшыня Магілёўскай абласной выбарчай камісіі Валерый Берастаў.

На тэрыторыі Магілёўскай вобласці ўтворана 739 участкаў для галасавання па выбарах дэпутатаў Палаты прадстаўнікоў Нацыянальнага сходу Рэспублікі Беларусь сёмага склікання. Пра гэта паведамілі ў Магілёўскай абласной выбарчай камісіі.