Архіў - 2019

Адзіны дзень інфармавання, які пройдзе 20 чэрвеня ў гарадах і раёнах Магілёўскай вобласці, будзе прысвечаны 75-й гадавіне вызвалення Рэспублікі Беларусь ад нямецка-фашысцкіх захопнікаў. Пра гэта паведамілі ў галоўным упраўленні ідэалагічнай работы і па справах моладзі аблвыканкама.

Федэральная служба па ветэрынарным і фітасанітарным наглядзе (Рассельгаснагляд) з 19 чэрвеня адмяняе ўведзеныя раней абмежаванні на пастаўкі ў Расію прадукцыі, што вырабляецца беларускім ААТ «Агракамбінат “Прыдняпроўскі”» (Магілёўскі раён). Такая інфармацыя размешчана на сайце расійскага ведамства.

Цырымонія адкрыцця II Еўрапейскіх гульняў адбудзецца 21 чэрвеня ў Мінску. У гэты дзень Нацыянальны алімпійскі стадыён «Дынама» ў Мінску прыме больш за 22 тыс. гледачоў, паведамілі ў прэс-службе дырэкцыі будучага спартыўнага форума.

Акрэдытацыю сродкаў масавай інфармацыі для ўдзелу ў XI Міжнародным інвестыцыйным форуме «Млын поспеху» праводзіць галоўнае ўпраўленне ідэалагічнай работы і па справах моладзі Магілёўскага аблвыканкама.

Моладзевы марафон «75», прысвечаны 75-й гадавіне вызвалення Беларусі ад нямецка-фашысцкіх захопнікаў, прыбыў сёння ў Магілёўскую вобласць.

II Еўрапейскія гульні стануць мерапрыемствам, свабодным ад тытуню. Асноўная мэта – забеспячэнне права ўсіх, хто не паліць (спартсменаў, валанцёраў, гасцей, дзяцей), дыхаць чыстым паветрам, папулярызацыя фізічнай культуры і спорту, прапаганда здаровага ладу жыцця сярод насельніцтва.

У мікрараёне Казіміраўка пабудуюць сучасную паліклініку, якая будзе разлічана на 850 наведванняў у змену, паведаміў начальнік галоўнага ўпраўлення па ахове здароўя Магілёўскага аблвыканкама Аляксандр Жылін.

Рэспубліканскую спартакіяду школьнікаў па скачках на батуце прымаў Магілёў. Пра гэта паведамілі ў гарадской спецыялізаванай дзіцяча-юнацкай школе алімпійскага рэзерву «БАГІМА» імя А. Р. Мішчанкі.

На тэрыторыі Магілёўскай абласной бальніцы пабудуюць новы кардыяхірургічны корпус. На сённяшні дзень вызначана пляцоўка і пачаты праектна-пошукавыя работы, паведаміў начальнік галоўнага ўпраўлення па ахове здароўя Магілёўскага аблвыканкама Аляксандр Жылін.

Віцэ-прэм’еры будуць адказваць за выкананне даручэнняў кіраўніка дзяржавы аб паскораным развіцці 11 гарадоў з колькасцю насельніцтва 80 тыс. чалавек і больш. Гэта прадугледжана распараджэннем прэм’ер-міністра № 230р ад 14 чэрвеня 2019 года, паведамілі ў прэс-службе беларускага ўрада.

Прамую тэлефонную лінію правядзе 22 чэрвеня намеснік старшыні Магілёўскага аблвыканкама Андрэй Міхайлавіч Кунцэвіч. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.

Забарона на наведванне лясоў дзейнічае ў 14 раёнах Магілёўскай вобласці. Адпаведныя меры прыняты ў Бялыніцкім, Быхаўскім, Глускім, Клімавіцкім, Клічаўскім, Касцюковіцкім, Краснапольскім, Крычаўскім, Магілёўскім, Мсціслаўскім, Асіповіцкім, Хоцімскім, Чавускім і Шклоўскім раёнах, паведамілі ў Мінлясгасе.

На вадаёмах Магілёўскай вобласці за мінулы тыдзень загінула 11 чалавек, з іх шэсць – за выхадныя, паведаміў старшыня Магілёўскай абласной арганізацыі АСВОД Мікалай Маісееў.

Стваральнікаў і здымачную групу серыяла «Чарнобыль» запрасілі на адкрыццё бюста беларускага пісьменніка Алеся Адамовіча. Паводле планаў, цырымонія адбудзецца ў пачатку верасня ў пасёлку Глуша Бабруйскага раёна.

Выязны прыём грамадзян і юрыдычных асоб правядзе 19 чэрвеня намеснік начальніка Магілёўскай мытні Людміла Аляксееўна Шавердак у Асіповічах. Прыём пройдзе з 11.00 да 13.00 у мясцовым райвыканкаме.

Папярэдні запіс на прыём з указаннем цікавых пытанняў ажыццяўляецца па тэлефоне: (8-0222) 29-90-12 (з 9.00 да 18.00, пн.-пт.).

Беларусь у верасні далучыцца да Еўрапейскага тыдня ранняй дыягностыкі раку галавы і шыі, паведаміла загадчыца лабараторыі анкапаталогіі цэнтральнай нервовай сістэмы з групай анкапаталогіі галавы і шыі РНПЦ анкалогіі і медыцынскай радыялогіі імя М. М. Аляксандрава Жанна Калядзіч.

Урад Беларусі ўзгадніў падаўжэнне тэрміну санацыі закрытага акцыянернага таварыства «Магілёўская швейная фірма “Вяснянка”». Адпаведнае рашэнне змяшчаецца ў пастанове Савета Міністраў №387 ад 14 чэрвеня 2019 года, апублікаванай на Нацыянальным прававым інтэрнэт-партале.

Рэспубліканская спартакіяда школьнікаў па спартыўнай гімнастыцы завяршылася сёння ў Магілёўскім Палацы гімнастыкі. Пра гэта паведамілі ў гарадской СДЮШАР «Багіма».

ААТ «Банк БелВЭБ» прафінансуе для ААТ «Магілёўліфтмаш» пастаўкі высокатэхналагічнай прадукцыі (сталь ацынкаваная, ліфтавы складнік) з Расіі на суму 250 млн расійскіх рублёў.

У Магілёве ў студзені-маі аб’ём выкананых работ па рамонце асфальтабетоннага пакрыцця склаў больш за 46 тыс. кв. м, што на 30% больш у параўнанні з аналагічным перыядам мінулага года. Пра гэта паведаміў генеральны дырэктар Упраўлення камунальных прадпрыемстваў Магілёва Андрэй Кіблоў.