грамадства

Адзіны дзень бясплатных кансультацый пройдзе 18 лютага ў фармаце прамых тэлефонных ліній у Магілёўскім агенцтве па дзяржаўнай рэгістрацыі і зямельным кадастры і яго філіялах, паведамілі ў прэс-службе Дзяржаўнага камітэта па маёмасці.

Грамадзяне і прадстаўнікі юрыдычных асоб змогуць атрымаць бясплатную прававую кансультацыю па пытаннях, звязаных з тэхнічнай інвентарызацыяй і дзяржаўнай рэгістрацыяй нерухомай маёмасці, афармленнем здзелак з нерухомасцю, выкананнем землеўпарадкавальных работ і ацэнкі.

Экспертам-крыміналістам упраўлення Дзяржкамітэта судовых экспертыз па Магілёўскай вобласці паступілі на «ўзбраенне» смартфоны для фотафіксацыі абстаноўкі месцаў здарэнняў і перадачы следчай інфармацыі. Гэта тэхніка больш за год тэставалася ва ўсіх міжраённых аддзелах Дзяржкамітэта Магілёўскай вобласці і дала станоўчыя вынікі.

Воіны-інтэрнацыяналісты–надзейная апора дзяржаўнасці і патрыятызму. На гэта звярнуў увагу, выступаючы на мітынгу, прысвечаным 32-й гадавіне вываду савецкіх войскаў з Афганістана, старшыня Магілёўскага гарвыканкама Уладзімір Цумараў.

Магілёўская мытня заняла 1 месца ў сістэме мытных органаў краіны па выніках працы за 2020 год. Пра гэта паведамілі ў прэс-цэнтры ведамства.

«Па выніках працы за 2020 год Магілёўская мытня прызнана найлепшай у сістэме мытных органаў краіны, – расказалі суразмоўцы. – За мінулы год супрацоўнікамі мытні было аформлена амаль 174 тысячы дэкларацый, а пералічэнні ў рэспубліканскі бюджэт склалі Br424 млн.».

Br 10 млн удалося зэканоміць ЖКГ Магілёўскай вобласці дзякуючы мадэрнізацыі галіны, паведамілі ў праграме Навіны «24 гадзіны» на СТВ. Новыя кацельні, ачышчальныя збудаванні і станцыя абезжалезвання ўжо даказалі сваю эфектыўнасць.

Па стане на 8 лютага атрымана і апрацавана 1153 прапановы, якія паступілі на сайт VI Усебеларускага народнага сходу.

Па рэгіёнах найбольшая колькасць прапаноў паступіла з горада Мінска – 465 (40%), далей ідуць Мінская вобласць – 156 (14%), Брэсцкая вобласць – 129 (11%), Гомельская – 114 (10%), Віцебская – 99 (9%), Магілёўская – 105 (9%) і Гродзенская вобласць – 74 прапановы, або 6% ад агульнай колькасці прапановаў, якія паступілі.

Беларуская чыгунка на першы рэйс цягніка №2 Мінск–Масква прадала 236 білетаў. У зваротным кірунку цягнік №1 Масква–Мінск пасажыры набылі 229 квіткоў, паведамілі ў прэс-цэнтры БЧ.

Сёння ў 22.10 у першую паездку з Мінска ў Маскву адправіцца фірмовы цягнік «Беларусь» № 2/1 Мінск–Масква.

Упраўленне па працы, занятасці і сацыяльнай абароне Магілёўскага гарадскога выканаўчага камітэта 12 лютага правядзе інфармацыйна-кансультатыўную сустрэчу «Пераадольваем перашкоды разам» па магчымасці працаўладкавання грамадзян з інваліднасцю на прадпрыемствы Магілёва.

Электронны кірмаш вакансій пройдзе ў Магілёве 16 лютага. Пра гэта паведамілі ва ўпраўленні па працы, занятасці і сацыяльнай абароне гарвыканкама.

У гэты дзень з 10.00 да 12.00 у саіскальнікаў будзе магчымасць пагутарыць з наймальнікамі Магілёва ў рэжыме анлайн. «Падчас кірмашу ўсе, хто шукае працу, змогуць знайсці прыдатную вакансію, перадаць свае рэзюмэ і задаць наймальнікам пытанні, і, калі ўсё задавальняе, атрымаць запрашэнне на рэальнае субяседаванне», – адзначылі суразмоўцы.

На маючым адбыцца VI Усебеларускім народным сходзе будзе дэталёва разгледжаны праект Праграмы сацыяльна-эканамічнага развіцця Рэспублікі Беларусь на 2021–2025 гады. Для ўсебаковага і комплекснага абмеркавання будучыні важна прааналізаваць, з якім багажом краіна падыходзіць да чарговага перыяду.

Дзяржаўная праграма «Беларусь гасцінная» на 2021-2025 гады зацверджана пастановай Савета Міністраў ад 29 студзеня 2021 года нумар 58, паведамілі ў прэс-службе ўрада.

Мэта дзяржпраграмы - фарміраванне і развіццё сучаснага канкурэнтаздольнага турыстычнага комплексу, павелічэнне ўкладу турызму ў развіццё нацыянальнай эканомікі.

Удасканаленне метадаў працы з’яўляецца адным з асноўных напрамкаў дзейнасці РУП «Белпошта». Калектыў гэтага прадпрыемства не стаіць на месцы, а ідзе ў нагу з часам. Вось і нядаўна тут ўведзена новая паслуга, якая называецца «Мабільны паштальён».

У нядзелю, 31 студзеня, у службу МНС ад відавочцы паступіла трывожнае паведамленне аб тым, што ў раёне гарадскога пляжа ракі Днепр па вул. Правабярэжнай у Магілёве чалавек праваліўся пад лёд, таўшчыня якога каля 3 см, паведаміла старшы інспектар абласнога ўпраўлення МНС Вольга Нехарошых.

Магілёвец быў выратаваны манеўрана-пошукавай групай ОСВОДа да прыбыцця ратавальнікаў. 35-гадовы мужчына з дыягназам «гіпатэрмія» шпіталізаваны ў рэанімацыйнае аддзяленне бальніцы.

Пачаўся прыём заявак на конкурс «Містар Магілёў – 2021», паведамілі ў гарадскім Цэнтры культуры і вольнага часу.

Конкурс будзе праходзіць у два этапы. Адборачны тур адбудзецца 5 лютага, а фінал – 19 лютага.

Беларускае грамадскае аб'яднанне ветэранаў правядзе ў гэтым годзе конкурс дзіцячага малюнка «Нам мір завешчана берагчы», прысвечаны гераічным старонкам гісторыі Вялікай Айчыннай вайны, паведаміў намеснік старшыні БГАВ Юрый Дзядкоў.

З 1 лютага 2021 года павялічваюцца памеры дапамогі па догляду дзіцяці ва ўзросце да 3 гадоў у сувязі з ростам сярэднямесячнай заработнай платы, паведамілі ў Міністэрстве працы і сацыяльнай абароны.

На першае дзіця памер дапамогі складзе Br472,92, на другое і наступных дзяцей – Br540,48, на дзіця-інваліда – Br608,04.

Тэмп росту сум названых выплат: 110,5% – у параўнанні з пераразлікам з 1 жніўня 2020 года і 116,6% – у параўнанні з пераразлікам з 1 лютага 2020-га.

Сярод кабінетаў абслугоўвай працы ў магілёўскіх школах наладзілі конкурс. Галоўная мэта – зрабіць заняткі цікавымі і карыснымі.

Кулінарыя, шыццё і рукадзелле – тры кіты навучання. Але сённяшнія ўрокі – гэта не проста пра працу хатняй гаспадыні. А яшчэ творчасць, уменне імправізаваць і спраўляцца са складанай тэхнікай. Усё гэта ўлічваецца на ўроках.

Меры па падтрымцы работнікаў і арганізацый у перыяд неспрыяльнай эпідэмічнай сітуацыі працуюць у Беларусі. Што кажа заканадаўства?

8 студзеня 2021 года ўступіў у сілу ўказ № 512 «Аб змяненні Указа Прэзідэнта Рэспублікі Беларусь». Ім унесены дапаўненні ў пункт 14 указа № 143 «Аб падтрымцы эканомікі». Гэта сацыяльна-эканамічныя меры падтрымкі работнікаў і арганізацый у перыяд неспрыяльнай эпідэміялагічнай сітуацыі.

За выхадныя ў Магілёўскай вобласці адбылося 9 пажараў, на якіх загінулі 3 чалавекі. Пра гэта паведаміла старшы інспектар абласнога ўпраўлення МНС Вольга Нехарошых.

Цёплую дапамогу аказваюць пункты Чырвонага Крыжа. Толькі ў Магілёўскай вобласці за тры дні звярнуліся каля 400 чалавек. Акрамя стацыянарных палатак абагрэву, у вобласці актыўна працуюць мабільныя кропкі. На працягу дня яны мяняюць лакацыі, каб дапамагчы людзям у розных раёнах горада. Валанцёры прапануюць гарачую гарбату, коўдры, цёплыя рэчы, аказваюць неабходную гуманітарную падтрымку.