Архіў - май 2019

У Быхаўскім раёне з прычыны пажару на ферме загінулі цяляты. Пра гэта паведаміла старшы інспектар абласнога ўпраўлення МНС Вольга Нехарошых.

Акцыя «Магілёў – здаровы горад», прысвечаная Сусветнаму дню без тытуню і II Еўрапейскім гульням, а таксама «Вальс выпускнікоў» пройдуць 30 мая ў абласным цэнтры. Мерапрыемствы адбудуцца ў межах прафілактычнага праекта «Магілёў – здаровы горад», паведамілі ў абласным цэнтры гігіены, эпідэміялогіі і грамадскага здароўя.

Дзіцячы аздараўленчы лагер «Арляня» ў Клімавіцкім раёне плануе ў бягучым годзе прыняць на аздараўленне першую групу расійскіх школьнікаў. Пра гэта паведаміла дырэктар Клімавіцкага цэнтра дадатковай адукацыі дзяцей і моладзі Рэгіна Аляксеенка.

Свята «Купалле» («Александрыя збірае сяброў») пройдзе ў аграгарадку Александрыя Шклоўскага раёна 6-7 ліпеня. Пра гэта паведаміў сёння начальнік упраўлення культуры аблвыканкама Алег Стальмашок падчас рабочага пасяджэння, дзе разглядаліся пытанні падрыхтоўкі і правядзення фестывалю.

Больш за 1 тыс. га дэградаваных і неэфектыўна асушаных балот адноўлена ў Магілёўскай вобласці на працягу года ў выніку рэалізацыі праекта міжнароднай тэхнічнай дапамогі «Аднаўленне асушаных тарфянікаў у Беларусі», паведамілі ў прэс-службе Міністэрства прыродных рэсурсаў і аховы навакольнага асяроддзя.

Стацыянарныя ўстановы сацыяльнага абслугоўвання Магілёўскай вобласці занялі прызавыя месцы ў Рэспубліканскім аглядзе дамоў-інтэрнатаў для састарэлых і інвалідаў, дзяцей-інвалідаў на самую лепшую пастаноўку работы па абслугоўванні, стварэнні здаровых і бяспечных умоў іх пражывання, ахове працы па выніках 2018 года.

У Брэсце 12 мая пачала сваё «бегавое» падарожжа па краіне эстафета «Полымя свету» II Еўрапейскіх гульняў, а разам з ёй стартавалі і «Еўрапейскія забегі» #velcombegom. Гэта вялікі дабрачынны праект у дапамогу дзецям-спартсменам з абмежаванымі магчымасцямі, які сёлета стаў, па сутнасці, параскладнікам II Еўрапейскіх гульняў.

Апошні званок празвініць для 15,8 тыс. выпускнікоў школ Магілёўскай вобласці. Пра гэта паведамілі ў галоўным упраўленні па адукацыі аблвыканкама.

Конкурс інвестыцыйных праектаў суб’ектаў малога прадпрымальніцтва Магілёўскай вобласці абвешчаны ў рэгіёне. Пра гэта паведамілі ў камітэце эканомікі аблвыканкама.

Курэнне ва ўсіх беларускіх пасажырскіх паяздах будзе забаронена з 27 ліпеня, паведамляецца на сайце Беларускай чыгункі.

Спецыяльныя палосы для транспарту II Еўрапейскіх гульняў выдзеляць на праспектах Дзяржынскага і Пераможцаў, а таксама на вуліцы Няміга. Аб гэтым у прэс-цэнтры выдавецкага дома «Беларусь сёння» заявіў начальнік упраўлення ДАІ ГУУС Мінгарвыканкама Вадзім Гаркун.

ЦВК прапануе правесці выбары дэпутатаў Палаты прадстаўнікоў 17 лістапада, членаў Савета Рэспублікі - 7 лістапада. Аб гэтым сёння журналістам паведаміла кіраўнік Цэнтрвыбаркама Лідзія Ярмошына.

Рэспубліканскі злёт-конкурс атрадаў юных інспектараў руху адбудзецца ў Бабруйску 28 мая – 1 чэрвеня. Пра гэта паведамілі ў аддзяленні па агітацыі і прапагандзе ДАІ УУС Магілёўскага аблвыканкама.

У Клімавіцкім раёне на вадаёмах патанула трое дзяцей. Клімавіцкі аддзел Следчага камітэта праводзіць праверку па названых фактах.

Абласныя спаборніцтвы па футболе сярод дзяцей і падлеткаў «Скураны мяч» пройдуць з 29 мая па 2 чэрвеня ў Магілёве і Магілёўскім раёне. Пра гэта паведамілі ў абласным вучэбна-метадычным цэнтры фізічнага выхавання насельніцтва.

Магілёўская футбольная каманда «Днепр Stars», у склад якой уваходзяць артысты, работнікі рэгіянальнага тэлебачання, фатографы і прадстаўнікі іншых творчых прафесій, правядзе юбілейны матч 31 мая на стадыёне «Спартак». Супернікам арт-суполкі стане юнацкая зборная каманда навучэнцаў устаноў адукацыі горада на Дняпры. Гульню прымяркуюць да Дня абароны дзяцей.

Х Міжнародны музычны фестываль «Вялікая бард-рыбалка» пройдзе 26-28 ліпеня ў пасёлку Грудзічына Быхаўскага раёна на беразе Чыгірынскага вадасховішча. Аб гэтым паведамілі ў аргкамітэце мерапрыемства.

Выстава «Крок да нажніц» адкрыецца сёння ў Магілёве. Экспазіцыя, якую сабраў Дзмітрый Сурскі, размесціцца ў музеі этнаграфіі, паведамілі ў Магілёўскім абласным краязнаўчым музеі імя Е. Р. Раманава.

Глуск прыме абласны фестываль-кірмаш працаўнікоў вёскі «Дажынкі» сёлета. Арганізатары мерапрыемства прыступілі да распрацоўкі праграмы свята, паведаміў намеснік старшыні Магілёўскага аблвыканкама Андрэй Кунцэвіч.

Прамую тэлефонную лінію правядзе 1 чэрвеня кіраўнік спраў Магілёўскага аблвыканкама Рыгор Аляксандравіч Варонін. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.