Архіў - верасень 2019

Незвычайны аўтарскі праект «Атлантыда і дзіўная Японія» экспануецца ў Магілёўскім абласным мастацкім музеі імя П. В. Масленікава. Яго прывёз прадстаўнік Цэнтра культуры і спорту Японіі «Добрасуседства» ў краінах СНД, даследчык японскай культуры Уладзіслаў Асака, паведамілі ва ўстанове культуры.

«Апетыт» насельніцтва рэгіёна ў міжсезонне вызначаюць мясцовыя органы ўлады, зыходзячы з планаванай кан’юнктуры рынку.

У Магілёўскім абласным цэнтры творчасці пройдзе канцэрт пераможцаў рэгіянальнага этапу праекта «Зорная краіна» Ларысы Грыбалёвай, паведамілі арганізатары.

У межах рэалізацыі праекта Саюзнай дзяржавы і падрыхтоўкі да адкрыцця шматпрофільнай вучэбна-эксперыментальнай лабараторыі новымі станкамі папоўніўся парк навуковага і навучальнага абсталявання кафедры «Тэхналогія машынабудавання» Беларуска-Расійскага ўніверсітэта.

Адкрыты Кубак Рэспублікі Беларусь па мотакросе, прысвечаны памяці К. М. Сіманава, пройдзе 14-15 верасня ў Магілёве. Пляцоўкай для спаборніцтваў стане экстрым-парк, размешчаны па вуліцы Фаціна, паведамілі ў Магілёўскай абласной арганізацыйнай структуры ДТСААФ.

Пятае свята «Дранік-фэст» адбудзецца ў Магілёве 28 верасня з 12.00 да 18.00. Традыцыйна месцам правядзення мерапрыемства стане этнахутар «Зялёны гай». Пра гэта паведамілі ў цэнтры гарадскіх ініцыятыў.

Начальнік галоўнага кантрольна-аналітычнага ўпраўлення Магілёўскага аблвыканкама Алег Мікалаевіч Дземенкавец 27 верасня з 12.00 да 14.00 правядзе прыём грамадзян у Дрыбінскім раённым выканаўчым камітэце (г. п. Дрыбін, вул. Леніна, 35).

Папярэдні запіс на прыём ажыццяўляецца па тэлефонах: 8 (02248) 2 48 16, 2 53 24.

Вылучэнне кандыдатаў у члены Савета Рэспублікі Нацыянальнага сходу сёмага склікання Беларусі пройдзе з 9 верасня па 8 кастрычніка ўключна.

Забарона на наведванне лясоў уведзена ў 3 з 21 раёна Магілёўскай вобласці. Адпаведныя меры дзейнічаюць у Касцюковіцкім, Краснапольскім і Хоцімскім раёнах, паведамляецца на сайце Міністэрства лясной гаспадаркі.
У сувязі з сухім надвор’ем, узнікненнем высокай пажарнай небяспекі ўведзена забарона на наведванне лясоў грамадзянамі, а таксама ўезд транспарту, за выключэннем службовага, удакладнілі ў ведамстве. Парушальнікам гэтай забароны можа пагражаць папярэджанне або штраф да 25 базавых велічынь.

Бабруйская каманда стала пераможцай спартакіяды актыву Саюзнай моладзі Магілёўскай абласной арганізацыі ГА «БРСМ».

Аднаўленнем сінагогі на магілёўскім «Школішчы» займаюцца члены іудзейскай рэлігійнай аўтаномнай абшчыны і валанцёры. У перспектыве тут размесцяцца бібліятэка і нядзельная школа.

Нямецкі дот дапоўніць музей пад адкрытым небам у Буйнічах, які ствараюць навучэнцы магілёўскага агралесатэхнічнага каледжа там, дзе праходзіў Дняпроўскі рубеж.

У нашым рэгіёне найлепшым сярод камбайнераў маладзёжных экіпажаў стаў камбайнер ЗАТ «Агракамбінат “Зара”» Зміцер Анісімаў. Ён намалаціў 2705 тыс. т новага ўраджаю. Сярод маладых кіроўцаў на адвозцы збожжа вызначыўся кіроўца ААТ «Амкадор-Шклоў» Павел Ціханаў, які перавёз 4644 тыс. т збожжа і зернебабовых.

Кіраўнік дзяржавы Аляксандр Лукашэнка падпісаў распараджэнне, якім зацверджана рашэнне савета фонду Прэзідэнта Рэспублікі Беларусь па падтрымцы культуры і мастацтва. Пра гэта паведамілі ў прэс-службе беларускага лідара.

У гаспадаркі Быхаўскага раёна працягвае паступаць новая тэхніка. На гэтыя мэты па дзяржаўнай праграме па пераадоленні катастрофы на Чарнобыльскай АЭС з рэспубліканскага бюджэту выдзелена Br 1,5 млн.

Сёлета першакурснікі БДСГА атрымаюць унікальны электронны студэнцкі білет, сумешчаны з банкаўскай плацежнай картай. Такі праект будзе запушчаны ўпершыню ў Магілёўскай вобласці.

Савет па развіцці прадпрымальніцтва Бабруйска сумесна з прадстаўнікамі дзяржаўных органаў 11 верасня правядзе прыём суб’ектаў малога і сярэдняга прадпрымальніцтва, якія ажыццяўляюць сваю дзейнасць на тэрыторыі горада.

Цэнтр адукацыі дарослых «Баркулаб» адкрыты ў Быхаўскім раёне. Ролю мясцовага «асветніка дарослых» узяў на сябе мясцовы фонд развіцця тэрыторый Быхаўскага раёна.

Выязное пасяджэнне аблвыканкама адбылося ў Магілёўскім раёне. Як адзначыў кіраўнік рэгіёна Леанід Заяц, галоўная задача мерапрыемства – прадэманстраваць перадавы вопыт у галіне жывёлагадоўлі. У якасці ўзораў для пераймання – філіял «Вендараж» РУП «Магілёўэнерга» і малочна-таварны комплекс ААТ «Магілёўскі лянок».