культура

Міжнародны фестываль-конкурс мастацтваў «Залатая мара» пройдзе ў Магілёве 13–15 снежня. Пра гэта паведамілі ў абласным метадычным цэнтры народнай творчасці і культурна-асветнай працы, які выступае арганізатарам мерапрыемства.

Рэзідэнцыя Дзеда Мароза ўрачыста адкрыецца 15 снежня на базе Бабруйскага аздараўленчага лагера «Мара». Хлапчукі і дзяўчынкі змогуць сустрэцца з казачнымі героямі, пагутарыць з Дзедам Марозам у яго ўтульным доме, пачаставацца духмянай гарбатай з блінамі, прыняць удзел у тэатралізаваным прадстаўленні, наведаць дом Бабы-Ягі, будан лесуна, пакатацца на санях ўладара халадоў і маразоў і многае іншае. Маляўнічая прырода, казачная атмасфера дазволяць займальна і цікава правесці час.

Магілёўцаў запрашаюць паўдзельнічаць у навагоднім афармленні парку ў Падніколлі. На яго тэрыторыі ўстанавілі жывую арку з яловых галінак і драўляныя ёлкі. Кожны, хто пажадае, можа дапоўніць кампазіцыі прыгожымі ёлачнымі цацкамі, расказаў начальнік участка парку ў Падніколлі Юрый Макацарыя.

XIII абласныя Свята-Георгіеўскія агульнаадукацыйныя чытанні, прысвечаныя Году малой радзімы і 30-годдзю адраджэння Магілёўскай і Мсціслаўскай епархіі, пройдуць у горадзе на Дняпры 12–18 снежня. Пра гэта паведамілі ў Магілёўскім епархіяльным упраўленні.

Магілёўскі абласны мастацкі музей імя П. В. Масленікава падрыхтаваў інтэрактыўную праграму да міжнароднага Дня мастака. Пра гэта паведамілі ва ўстанове культуры.

У межах Каляднага тура на сцэне Магілёўскага абласнога драматычнага тэатра 28 студзеня выступіць з сольным канцэртам «Зімовыя матывы» мужчынскі хор «Усіхсвяцкі» з Мінска. У праграме прагучаць калядныя спевы, калядкі, творы беларускіх кампазітараў і інш.

Выставка «Душа живая акварели…» откроется сегодня в 16.00 в Могилевском областном художественном музее имени П.В. Масленикова. Об этом сообщили в учреждении культуры.

Міжнародныя «Сіманаўскія чытанні» пройдуць у Магілёве 29–30 лістапада, паведамілі ў Магілёўскім гарвыканкаме.

Фотавыстава аўтарскіх навагодніх паштовак упершыню пройдзе ў Магілёве, расказала арганізатар праекта вядомы магілёўскі фотажурналіст Ірына Савосіна.

Дні нідэрландскага кіно пройдуць у Магілёве 27 лістапада, 4 і 11 снежня. Пра гэта паведамілі ў адміністрацыі Магілёўскага дзяржаўнага прадпрыемства «Кінавідэапракат».

На новых арт-аб’ектах каля палаца Пацёмкіна навагодняя ілюмінацыя зазіхаціць у першыя дні снежня. Як паведаміў дырэктар гістарычнага музея Крычава Уладзімір Мішчанка, зараз поўным ходам ідзе падрыхтоўка да свята. У палацы па традыцыі дадуць серыю навагодніх паказаў, а наведаюць іх сотні гасцей, дзяцей і дарослых.

Бабруйчан запрашаюць паўдзельнічаць у творчым конкурсе і зрабіць сваімі рукамі навагоднія шары. Арганізатарам спаборніцтва выступае аддзел мастацкай творчасці ДУК «Палац мастацтваў г. Бабруйска».

Конкурс праводзіцца ў дзвюх намінацыях: ёлачныя шары і шары для афармлення навагодняга інтэр’еру.

Кінапаказы фільмаў – удзельнікаў XXVI Мінскага міжнароднага кінафестывалю «Лістапад» – адбудуцца 21–27 лістапада ў Магілёве. Пра гэта паведамілі ў Магілёўскім дзяржаўным прадпрыемстве «Кінавідэапракат».

Падведзены вынікі конкурснага адбору рэжысёрскіх эксплікацый, які праводзіцца Міністэрствам культуры ў 2019 годзе.

У канцэртнай зале Магілёўскай дзяржаўнай гімназіі-каледжа мастацтваў 22 лістапада ў 15.00 адбудзецца музычна-літаратурны вечар «Японія – музычнае адлюстраванне ў Беларусі». Мерапрыемства арганізавана Пасольствам Японіі сумесна з калектывам установы адукацыі ў межах штогадовага фестывалю «Японская восень у Беларусі».

Прадстаўніца Беларусі на дзіцячым конкурсе песні «Еўрабачанне-2019» у горадзе Глівіцы Лізавета Міснікава выступіць пад нумарам 7. Аб гэтым паведаміла юная выканаўца.

Рэспубліканскі конкурс «Нацыянальная прэмія ў галіне выяўленчага мастацтва» праводзіцца з 1 лістапада па 15 лютага 2020 года. Такая інфармацыя размешчана на сайце Міністэрства культуры.

Магілёўскі метадычны цэнтр народнай творчасці і культурна-асветнай працы 22 лістапада правядзе мерапрыемствы да 80-годдзя з дня ўтварэння. Пра гэта паведамілі ва ўстанове культуры.

Урачыстасці пачнуцца са свята на плошчы перад цэнтрам. У 10.00 тут выступяць творчыя калектывы – народныя ансамблі народнай песні раёнаў Магілёўскай вобласці. Будуць працаваць гандлёвыя пляцоўкі ААТ «Булачна-кандытарская кампанія “Дамачай”», тэматычная экспазіцыя вырабаў майстроў дэкаратыўна-прыкладнога мастацтва рэгіёна.

Арт-праект «Кропка прыцягнення» беларускага мастака Віктара Альшэўскага, прымеркаваны да Года малой радзімы, адкрыўся сёння ў Магілёўскім абласным мастацкім музеі імя П. В. Масленікава. Гэта творчы эксперымент вялікага майстра, дзе прадастаўлены ўнікальны сплаў філасофіі і мастацтва.

Сёлета Дзед Мароз прыбудзе на навагоднія святкаванні ў Магілёў 15 снежня на верталёце. Пра гэта расказала начальнік упраўлення культуры Магілёўскага гарвыканкама Ірына Жабарава.

«Да навагодніх святаў мы падрыхтавалі для магілёўцаў шмат сюрпрызаў. Святочная праграма пачнецца 15 снежня на плошчы Леніна. Тут пройдзе сустрэча Дзеда Мароза, які сёлета прыляціць у Магілёў на верталёце. Пасля гэтага на цэнтральнай плошчы горада запаляць агні на галоўнай ёлцы», – расказала Ірына Жабарава.