здароўе

Сусветная Арганізацыя Аховы здароўя (СААЗ) і дзіцячы фонд ААН (ЮНІСЕФ) рэкамендавалі дзецям з 12 гадоў насіць ахоўныя маскі ў сувязі з пандэміяй COVID-19. Пра гэта гаворыцца ў інфармацыйным бюлетэні, апублікаваным на сайце СААЗ, паведамляе ТАСС.

«Згодна з парадай СААЗ і ЮНІСЕФ, дзеці 12 гадоў і больш павінны насіць маску пры тых жа ўмовах, што і дарослыя, у прыватнасці калі няма гарантыі захавання дыстанцыі ў 1 м ад іншых людзей і ў дадзеным раёне перадача віруса шырокамаштабная», – адзначаецца ў дакуменце.

Загадчык аддзялення Магілёўскай бальніцы № 1 Валерый Кананкоў: «Дабро заўсёды вяртаецца»

У Магілёўскай вобласці абмежавана купанне ў 2 зонах адпачынку і забаронена ў 6. Пра гэта паведамілі ў Магілёўскім абласным цэнтры гігіены, эпідэміялогіі і грамадскага здароўя.

Купанне дзяцей і дарослых абмежавана ў раёне пляжа Пячэрскага вадасховішча ў Магілёве і гарадскога пляжа па вул. Верхняялаўскай у Чавусах.

У Магілёўскай вобласці са жніўня змяніўся графік работы «гарачай лініі» па пытаннях прафілактыкі каранавіруснай інфекцыі. Цяпер задаць пытанні па тэме і атрымаць кансультацыю можна з панядзелка па пятніцу з 8.00 да 13.00 і з 13.20 да 18.00 па нумары тэлефона 8 (0222) 33 18 68, а таксама кругласутачна – 8 (0222) 63 53 60.

З першых дзён барацьбы з COVID-19 Беларускі фонд міру аказвае дапамогу ўстановам аховы здароўя. На гэтыя мэты ўжо адрасавалі больш за Br50 тыс.

У тэорыі нашы медыкі ўсё ведалі, заставалася толькі ўжыць наяўныя веды ў барацьбе з COVID-19. Такім меркаваннем падзялілася намеснік галоўнага ўрача па медыцынскай частцы Магілёўскай цэнтральнай паліклінікі Ала Ляховіч.

Мы з годнасцю вытрымалі экзамен, які нам паднесла жыццё. Такім меркаваннем падзялілася анестэзіёлаг-рэаніматолаг аддзялення анестэзіялогіі і рэанімацыі Магілёўскай бальніцы № 1 Алеся Валахановіч.

У Бабруйскай гарадской дзіцячай бальніцы завяршаюцца рамонтныя работы. Ужо зусім хутка юныя пацыенты змогуць паправіць здароўе ў яе абноўленых камфартабельных сценах. Паводле слоў намесніка галоўнага ўрача па медыцынскай частцы Іны Воранавай, медтэхніка ўжо ўстаноўлена і наладжана, медперсанал да працы гатовы.

На пляжы Пячэрскага вадасховішча ў Магілёве і гарадскім пляжы Чавус па вул.Верхняялаўская адноўлена купанне дзяцей і дарослых. Пра гэта паведамілі ў Магілёўскім абласным цэнтры гігіены, эпідэміялогіі і грамадскага здароўя.

Міністэрства аховы здароўя распрацавала рэкамендацыі для прадухілення распаўсюджвання рэспіраторных інфекцый (у тым ліку COVID-19) пры правядзенні галасавання на выбарах Прэзідэнта, паведамілі ў прэс-службе Міністэрства аховы здароўя.

Абавязковая двухтыднёвая ізаляцыя, уведзеная ў Расіі ў сувязі з распаўсюджваннем каранавіруса, будзе адменена з 15 ліпеня. Пра гэта паведамляе ТАСС са спасылкай на пастанову Расспажыўнагляду.

У Магілёўскай вобласці забаронена і прыпынена купанне дзяцей і дарослых у 9 зонах адпачынку. Пра гэта паведамілі ў Магілёўскім абласным цэнтры гігіены, эпідэміялогіі і грамадскага здароўя.

Міністэрства аховы здароўя дало часовыя рэкамендацыі па арганізацыі аказання медыцынскай дапамогі пацыентам з інфекцыяй COVID-19. Гэта прадугледжана загадам Міністэрства аховы здароўя ад 1 ліпеня 2020 года.

Рэкамендацыі падрыхтаваны на падставе практычнага вопыту аказання медыцынскай дапамогі пацыентам з інфекцыяй CОVID-19 датычна дыягностыкі, лячэння і маршрутызацыі пацыентаў, у тым ліку з улікам рэкамендацый СААЗ, замежных навуковых публікацый і матэрыялаў.

Новая падстанцыя хуткай медыцынскай дапамогі пачала працу ў Бабруйску. Яна абслугоўвае 5 мікрараёнаў горада–каля 60 тыс.жыхароў.

У Магілёўскай вобласці забаронена купанне дзяцей і дарослых у 6 зонах адпачынку. Пра гэта паведамілі ў Магілёўскім абласным цэнтры гігіены, эпідэміялогіі і грамадскага здароўя.

Установы аховы здароўя Магілёўскай вобласці паэтапна вяртаюцца да звычайнага рэжыму працы. Пра гэта паведамілі ў прэс-службе Міністэрства аховы здароўя.

Так, на гэтым тыдні праводзіцца дэзапрацоўка і плануецца адкрыццё Бабруйскага анкалагічнага дыспансера. У гэтыя ж дні перапрафілюецца і пачынае працаваць у звычайным рэжыме Магілёўскі абласны скурна-венералагічны дыспансер.

Спецыяльная стаматалагічная дапамога арганізавана ў Магілёўскай вобласці для тых, хто захварэў COVID-19 або з’яўляецца кантактам першага ўзроўню. 

Стаматалагічная паліклініка–гэта як аперацыйная–зона павышанай кантактнасці, а таму стэрыльнасці тут надаецца вялікая ўвага. Пацыенты на прыёме ў зубнога па інструкцыі–заўсёды ўмоўна небяспечныя. Напрыклад, яны могуць і самі не ведаць, што з’яўляюцца пераносчыкамі гепатыту С, ВІЧ... Таму да каранавіруснай прафілактыкі ў стаматалогіі паставіліся адказна.

Высакаякасная медыцынская дапамога стане больш даступнай для жыхароў рэгіёнаў Магілёўшчыны. У Кіраўску на базе цэнтральнай раённай паліклінікі ствараюць сучасны комплекс экспрэс-дыягностыкі.

У мінулым годзе тут пачалася маштабная рэканструкцыя. Грашыма падтрымала абласная інвестыцыйная праграма. Здаць раённую паліклініку плануюць да канца лета. Акрамя будынка, абновіцца медыцынскае абсталяванне, прыйдуць маладыя медыкі розных спецыяльнасцяў.

У Магілёўскім раёне знялі абмежавальныя меры па купанні. Пра гэта паведамілі ў Магілёўскім абласным цэнтры гігіены, эпідэміялогіі і грамадскага здароўя.

Па выніках апошніх лабараторных даследаванняў якасць вады на рацэ Днепр у аграгарадку Палыкавічы, а таксама возеры ў вёсцы Вільчыцы стабілізавалася. Узятыя пробы цалкам адпавядаюць гігіенічным нарматывам па мікрабіялагічных паказчыках.